Pope in a tui ralbuai caan ah thuthang cu thuhla pakhat mi hmuahhmuah theih dingin mai ruahdaan ih thandarhnak ah hmang lo dingah sim.(March 16, 2026)
Pope Leo XIV in Italy a Cozah neih mi RAI thuthang ih TG2 thuthang caanserh ih thuthang latu pawl thawn an tonawk laiah a tanglam vek in a rak sim.
Thuneih duhtuk tu pawl ih aw khawk ter tu si lo dingah: a hleice in ralbuai karlak caan ah thuthang media pawl cu thunei tu pawl ih “aw langter lole khawk ternak cet” (Megaphone) vekin mai duhdaan ih thuthannak thilri si lo dingah ralrinnak a rak pe.
Minung vekih zohthiamnak: ralbuainak cu video lehnak vekah hmu lo in harsatnak a tuartu mipi pawl le a hmutu pawl ih mit in zohthiam dingah minung vekin zoh daan thiam in thuthan thiam dingah a tul thu a rak sim.
Thuthang kha a hman le hman lo a dik le dik lo lairel thiam nak cu Thuthang ngan tu pawl hrangah um lo thei lo ih a tul mi a thupi mi tuanvo a si.
Technology cu theithiam theinak ah thleng ta theih lo. Minung sinak ih ruahthiam theinak cu cetlam ah ziangtivek in thangso hman sehla minung pawl ih tuahsiamnak, thleidan thiam theinak le zalen zetih ruahthiam theinak pawl kha ziangvek technology ti daan khal in ai a awh thei lo.
AI (Artificial intelligent) le pehtlaihnak: AI ( thilti theinak a tuuh) santiluan ih ton mi pawl pahnak ah pehtlaihnak hnatuan pawl kha technology ( Cet lam thiamnak ti daan) hnak in “minung kha thu pit mi tidaan) in kilkhawi dingah a tul.
Hmuhdaan, ruahdaan bangawk lo nak karlakah tlaitluangih hmuhternak um dingah, hmuh daan fiak tuk ih hmuhnak pawl pahsuak thei dingah, mai hmuh daan lawng kha ngam hnget mi thu pawl kha hawl thiam, ngai thiam duhnak a nei mi sawmnak pawl kha neh in midang pawl ih aw le hmuh daan pawl kha ngai thiem thei mi “a kau mi ruahnak” neih a tul.
Bangawk lo nak ih man: ruahdaan bangawk lo nak pawl le mai nunphung ih ruah daan bangawk lonak pawl a tamzet mi tuisan ah a bangaw lo mi nungphung le hmuhdaan pawl bangran te in umnak cu pehtlaihawknak khuavel hrangah mai thacah nak le famkimnak pakhat ah a cang ding a si. Hi mi thuthang cu Vatican thuthangin a remcang thei bik in kan ngan mi asi.
