Laudato Si’ (No. 9)

Bishop Bartholomew in kiangkap thawn a pehpar mi buainak simfiang nak hrangah Kawhhran, thlarau lam le minung pawl ih moral thawn pehpar aw mi a hrampi pawl khal ruah cih ding a tul thu a rak lang ter asi.

Kiangkap thawn pehpar mi buai nak simfiang nak ah Science fim nak ih a san hawl vekin, minung pawl ih thinlung ruahnak thlengawk nak par khal ah a tum aw asi. Hi ti vekih a phunphun simfiang nak kha kan hawl lo asi le kan nih cu natnak pakhat lawng ruat vek kan si ding.

Pope ih in pek mi Catholic zirh nak ih simfiang nak ah dan nei lo zet ih hman nak kha tenran nak ih aiawh dingah, duhham nak kha tirhsiang zet ih pek nak in, hman heu nak kha midang pawl thawi hman tlang duhnak thinlung thawn aiawh ter dingah, Pathian thu ruah laiah sualsawm nak do nak ah sun nak pek ai in pekhlan nak thawi aiawh thiam ding kha zir a tul thu a rak sim asi.

Hi tidan cu duhdawt nak lamzin asi ih , kan duhham nak thinlung ruangah kan thinlung duhnak thawi hla aw zet ih feh in, Pathian ih sersiam mi leinung ih a tul nak lam ah kan tuah sawn dinga si. Hi tidan cu tihnak thinlung, duhham nak thinlung le tuah tengteng dingih duh na lo ih forhfial nak pawl in luat nak lamzin asi.

Christian Kawhhran asi tu kan nih pawl cu leilungpi kha minung pawl hmunkhat tei um nak asi tin cohlang in, Pathian le minung zaten leilungpi ah bangrep te ih umtlang hmangtlang nak hmun asi tin kan cohlang a tul asi. Tthit nak um lo mi korfual thawn a bang aw mi Pathian ih sersiam mi leilungpi ah kan um nak leilungih netabik ih leivut par khal ah siseh, Pathian le minung tonawk nak hmun asi thu tangdor zet in kan theihthiam a tul asi.