March 17

Ireland ram ih dungthluntu a si mi Mithianghlim Patrick cu kum 385 ah Britain ram ah a rak suak. A kum 17 ah Ireland ram ah sal dinhmun ah zuar a rak tong.

Tlang pawl karlak ah kumruk sung a rak umnak in a zumnak le thianhlimnak pawl a rak karh. Sal dinhmun ih a luat hnu ah a suah nak khua ah a rak tlung.

Inn a thlen hnu rei lo te ah Ireland miphun pawl in Ireland ah feh sal tahratin an hnenah Pathian thu sim dingih an forhfial thu mang a rak man.

Kum 431 Laires ih um Yatih tlawng ah Pathian thu le Biaknak lam fimthiamnak pawl a zir theh hnuah Ireland ram ih Pathian hnatuan dingah an rak thlah. Ireland a thlen hnu nikhat ah Pope Celestine in Bishop ah a rak nemhnget.

Sal dinhmun in naa le caw pawl a rak khalh nak tikhulh pakhat ih sak lam ah hmaisabik riang a rak tuan. Cui hnuah Ireland pumpuluk a hel ih a zumnak, Pathian ih huham le Pathian zum lo tu Puithiam pawl in an theih tikah a mah thah an tum.

Nikhat ah an mah pawl in Mithianghlim Patrick  cu fei thawn an rak khawh tum. Asinain, Mithianghlim Patrick in a khualtlawnnak lamzin ah a kiangih to tu rangleng mawng tu pa than an to nak an rak thleng awk ruangah a rak luat. A to nak ih rak to tu, cui rangleng mawngtu pa cu Mithianghlim Patrick hrangah an khawh mi fei thawn a rak thi. Mithianghlim Patrick ih kum 30 tiang rori a raa zuamnak ruangah Ireland ram pum ah Catholic Pawlpi a rak karh.

Kum 461 ah Mithianghlim Patrick cu tikulh ih a san biknak hmun a si mi Eckley tlangzim in netabiknak thluasuah a rak pek.

Cui tlang parah ni 40sung ulh nak a rak tuah theh hnu ah neta ah Ireland in Mithianghlim pawl an cang ding tiin lang nak a rak hmu.

A langnak ah cui Mithianghlim Pawl in “Bawipa cu kan zate ih Pa a si” ti mi hla an rak sak rero lai khal arak hmu. A ruak cu hmaisabik Biakinn a rak sak nak Pho khuapi ah an rak phum.