Zumnak in harsatnak a tuar rero mi minung pawl hmu thei dingah kan mit a vangter. (March 15, 2026)
Zarhpi sun Angelus thlacamnakah Pope in Bawipa Jesus cu a suahkeh in khua a hmu thei lo tu hnen, khua a hmu ternak Thuthangtha John 9:1-14 ruatphah in zumnak cu minung hrin pawl le an mai cangvaihnak pawl kha Pathian ih a hmuh vekin hmu thei dingah kan mah kha in zirh thu a rak sim.
Pope Leo XIV in Zarhpi ni St. Peter tualrawn ah a tongkhawm aw tu khawmzawhtu mikhual pawl thawn Angelus thlacamnak an cam tlangih minung pawl cu a thimnak ih an um laiah Pathian ih fapa cu kan mit kha meng ter dingin a rat ruangah hi mi ah hin ruundamnak thuthuk a langsar thu a rak sim. Gospel Thuthangtha sungin mitcaw pa vekin kan ni khal kan thei theihnak hnakih a thuk mi nunram ih thuthuk pawl kha hmu thei lo in “suahke in khua hmu lo tu pawl” vekin kan rak si theu.
Curuangah Pathian ih zaangfahnak peknak thawn langter mi kan mai minung phun ning ciarbek cu khuatleu thar pakhat ngah dingah kanmah rori in midang pawl thawn thudik vekin hmuhtheinak nei thei ding hrangah Pathian cu Jesuh Khrih thawngin minung sinak a rak la a si.
Zumnak ti mi cu mitsing in zum a si tiah san a nei mi “khuathim sungih dawpnak” ti mi tongthimnak ih rel theu mi kha Pope Leo in tharthawh in a rak sim. A sinan Krhih le a duhdawtnak kha kan mah in dai theinak kan ngahnak cu a hlan ih veikhat hman hmuh dah lo mi ti daan in kan mit kha a ong ter a si.
“Zumnak ti mi cu Mitcaw (tuahnak pakhat a silo vekin thuruah thiam theinak kha tan in a silole leilungpi kha ziangsiar lo ih a um ter mi biaknak lam thawn pehpar mi kaihnget mi sungah dung sip phun cu a rak si lo” “cu mi aiah zumnak cu Jesuh a mah rori in a hmuh vekin Bawipai mit thawn ziangkim hmu thei dingah a bawm.
Midang pawl ih farah harsatnak pawl le minung kha a na ter thei mi natnak pawl hmuh theinak nei dingah kan mit kha meng cio dingah Pope in Christian pawl kha a rak forhfial. Kan mai leilungpi ah hmuhsuamawknak pawl ih a khuh lai ah Christian pawl cu kan kingkap ih um mi dik lonak, hmuhsuamawknak le farah harsatnak karlak khalah “a thangharh mi, a lai na mi le prophet sinak thawn pehpar mi zumnak kha tetti khan dingah a si.
“Zumnak ti mi cu leilungpi ih thimnak pawl parah kan mit kha mengter dingah a sivekin thudik le lungrualnak pawl hrangah kan mai thukamnak ih sin midang pawl hnen Gospel thuthangtha ih tleunak kha keng sak dingah a si” tiah a rak sim.
Acemnak ah Khrih cu kan thinlung in on sak ih tlaitluannak le ralthazet in Bawipai kha tetti khan thei dingah a bawm thu Bawinu Maria hnen ih sin dil in Pope Leo XIV in thla a rak cam sak.
