Thleidannak pawl le hmaihngal nak pawl thawn a khat mi leilungpi ah kawhhran cu Khrih par ih zumnak le Pathian ih duhdawtnak thawn kawhhran mipi pawl kha rualremte a um ter thu, curuangah milai zate hnen nai awten um in, Khrih ah pumkhat a si mi Pathian ih miphun si dingah kawhhran ih tuanvo a neih thu March 11, nithum niah St. Peter tualrawn ih tuah mi mipi tonkhawm awknak ah Pope Leo XIV nak in a rak sim a si.
“Milai zate ih Pathian le rundamtu a si mi Khrih ah pumkhat a si mi kawhhran cu maihrang lawng si loin mi zate hrangah a um a si.”
“A hleice in buaibai nak le ral buainak tamzet a tongtu kan sanih mipa, nunau pawl, ramdang mi pawl, tongphun kim hmang pawl le nunphun pawl cu zumnak lamah hmunkhat ih a um mi miphun pakhat tin kawhhran ih theihnak cu a tumzet mi ruahsannak ih hmunsinnak khal a si.”
“Cumi cu miphun pawl ih thinlung sungih ret mi hminsinnak pakhat a siih, Pa Pathian in a fate pawl zate in kawhnak, lungrualnak le remdaihnak kha a thar in in mang ter sal tu khal a si.”
Khrih ah pumkhat a si mi Pathian ih minung thawn pehparin Pope in tuisan kawhhran ih a dik mi zo vek kan si ti mi cu a hnuailam vekin hngetkhoh zetin in rak sim a si.
- Khrih ruangpum in a thok mi a si ih kan mah pakhat cio cu khrih ih ruangpum a si mi Pathian ih miphun kan si.
- Tong, nunphung a silole miphun pawl ruangih rualrem nak nei tu si loin Jesuh Khrih ruangah leitlun hmunkip ih miphun tinkim ih tuah mi kan si.
- Si nak a silole thiamnak pawl ruangah si loin khrih ah Pathiani h fate pawl kan si nak laksawng ruangah uang aw sawn ding kan si.
“Kawhhran sungah ziangvek tuanvo a silole tuah nak aiin a ngaingai ih a thupi mi cu khrih thawn pumkhat si nak dingle Pathian ih thluasuah ruangah Pathian ih fate pawl si ding a si sawn” tiah a sim a si.
Let tu – Olivia Lal Ruat Mawi
Thuthang – Vatican thuthang
