March 8

Pathian ih Mithianghlim John (1491-1550)

Mithianghlim John cu Portugal ram ah 1491 ah a rak suah, Spain ralkap in hna a rak tuan ih cui hmun ih harsatnak a phunphun a tuar hnu ah a sual sirin Pathian hnenah a mah le mah ap aw dingin a rak bot cat.

A kum 40 ah John cu Africa ah martyr si ding tumtahnak thawn a rak pawk. Spain ih a tlun sal hnuah Granada khuapi ah Biaknak lam zuk le cauk pawl zuar nak dawr a rak phuan thok.

1538 ah John cu Avila khuapi in John ih a thu sim nak an duh tuk ih miaa pakhat vekih a um ruangah tu le tu thinlung lam nat nak dam ter nak siizung ah an rak kuat.

Cuvekih hmuhtonnak ruangah John in mina pawl, farah harsa pawl kilhim dingah siizung pakhat sak a tul thu a rak thei. Kum 1539 ah Granada khuapi ah a rualpi hrekkhat thawn Hospitallers Brother pawl timi kaing a rak din thok.

A tlaitluannak khihhmuhnak ah khuapi ih Bishop in “Pathian ih John” tiin hmin a rak pek. Paam a tlun laiah John in “Midang cu thatnak tuah nak thawn mah le mah thatnak tuah uh” ti mi hla ih chorus a rak sak theu.

Nikhat ah Archbishop in an siizung cu nunau tha lo pawl um nak hmun tiih a mawhthluknak thawn pehpar ih a rak suh tikah John in tangdornak thawn “Ka siizung ah mitha lo cu keimah siar lo zohman an um lo” tiin a rak let.

John cu 1550 ah Pope Leo XIII nak in Mithianghlim John cu sizung pawl kilkhawitu ah a rak than asi.