Kum 8 mi Japanese nauhak nu ih zumnak ruangah a sungkua pawl in Catholic biaknak cohlang. (March 6, 2026)
Archdiocese of Tokyo ih um Parish pakhat ah kum 8 mi nauhak nute ih zumnak cu a maikiangkap ih minung pawl ih thinlung a rak khoih ter thei.
Tokyo khuapi ih Shirayuri Gakuen Elementary school ih phun hnih kaitu Minami Kimura cu Catholic biaknak ah Baptism a lak duh thu a rel tikah a nulpa kha a rak mangbang ter.
Minami kum 3 a si ah Shirayuri Gakuen Kindergarten ih a kai lai ah Christian biaknak a rak thei hmaisa bik. A thawhnak lam ta pawl cu tampi a rak hminsin lo nan a thinlung ruahnak pakhat ah a rak mang ringring mi a um.
Jesuh cu an innsungsang sungtel pakhat vekin a rak ruat tiah a sim. A kum malte a hung tam deuh in Biaknak lam thu zirnak ca pawl le Bible cathianghlim sungih thuanthu pawl in a mai Pathian thu a theinak pawl kha tampin a rak hnget ter. Cui sithok in Khrih thawn naih duhnak thinlung kha a thang vivo tiah a rak sim.
“Minami in a nauhak te lai in Jesuh ih thuanthu pawl kha a thinlung sungah a rak um” tiah Kiyoshi Shibata in a rak sim. A mah cu Kojimachi Church ah Easter Sunday ( thosal puai) ni ah a nu thawn Baptism sang dingah hmin an pe zo.
Minami cu “Jesuh hnen pan dingah ziang mi bik in a lo thangphawk ti an suh tikah a mai sannak cu a menmen te a si. “Jesuh thawn um tlangnak lawng asi” tiah a rak sim.
Amai tumtah nak cu a nu Maiko Kimura kha a rak thangphawk ter ih a fanu ih zumnak kha tam deuh in thei dingah Christian thu kha a rak zingzoi.
Minami ih zumnak in thazaang a la ih a khal Baptism sang dingah a tum. An nufa in Easter Sunday (Jesuh thosal puai) ah Kojimachi Church ah Baptism an sang ding asi.
Minami cu Baptism a san tik ih a hmin lak ding mi kha a ruat rero lai a si tiah an sim ih Joan of Arc lole Therese of Lisieux hril dingah a ruat aw lai tiah an sim.
Minami ih nulpa hrangah hi Baptism a sannak ding caanserh cu caanserh menmen hnak in a thupi deuh ding ih an fanute ih Khristian nunram tluanah lam hmuh tu ding zumnak ih hrampi pakhat an si. hi mi cu shalom world news thuthangin kan ngan mi asi.
