France ram ah tui kum ah Baptism sangtu ding minung mipum 20000 um ding tiah ruahsan. ( March 04, 2026)

Lent tikcu caan a thawhnak ah France ram ah kum upa pawl le mino tampi hrangah Holy Saturday Thianghlim Zarhte zan ih tuah ding mi Easter vigil caanserh ah Baptism sang dingin timtuah caan an tawh nak caan a si. Ramsungih diocese pawl in an mai an ngah mi ah catechumen (Baptism ngah dingih tim a tuah tu pawl) an tam sinsin ih tui kum ah 20000 luan Baptism ngah tu ding pawl a um thei ding tiah ruahnak an nei. Hi mi cu an thuanthu ah a tambik dinhmunah a si thei. Catechumenate ih netabik dinhmun kha a thawhnak Rite of Election caanserh kha an diocese ah ni a bangawk lo ruangah ramsungih mipum kha ziangzat ti a fiang hrih ngai ngai lo. A sinan a suak mi cazin ah thansonak lam a pan thu thei a si. Familee Chretienne ih tinak ah

Paris ah catechumen 788 an ngamhnget zo ih nikum hnakin 672 a tam deuh. Adang diocese pawl khal an thanso lam kha hmuh a si.

Meaux (770, +16%),

Évry (519, +17%),

Versailles (over 800, +20%),

Pontoise (683, +12%),

 Toulouse (450, +25%),

Montpellier (351, +27%),

Rennes (264, +32%),

Lyon (710, +15%),

Orléans (253, +55%),

 Metz (189, +22%),

Clermont-Ferrand (128, +30%),

le Cambrai (286, +19%). Nikum ah mino le tleirawl mipum 17800 in Baptism an sangih kan dungkumhnak cun mipum 5000 an tam ding. Kan tahthim a sile 2015 ah catechumen Baptism sangtu mi 4000 an kim lo.

Hi mi dinhmun vekih a um vivo a sile a ra lai ding mi kum 5 sungah Christian pawl tampi a thlengaw thei ti ah Pontoise diocese ih Fr Benoit Bertrand in a sim. A mah in catechumenate kha a hlan ah cun a pahnihnak ih thupi mi hnatuan ah an ruat nan a tu ah cun Parish ih a thupi bik mi pakhat dinhmun ah a can thu a rak sim. Cuihlei ah Baptism sang tu ding pawl cu Pathian biaknak ih thasuahnak, Pathian thu ruahnak ih fumfe nak le tuisan nuntuzia ah zumnak langter theinak pawl in kan mah pawl kha in hmuh sal ding a si tiah a rak sim. Hi mi cu sw news in kan ngan mi a si.