8. Orthodox Archbishop Batholomew ih a sim mi ah kanmah pakhat cio cu leilungpi siatral dingih kan tuah mi thil pawl hrangah sirawk nak kan neih a tul asi. Ziangruangah tile kiang le kap a siat nak hrangah kan tuahnak cu a mal khal ah siseh, a tam khal ah siseh, Pathian ih a sersiam mi rannung pawl kha siatral dingih kan tuah nak pawl hrangah kan nih in tuanvo kan neih thu theihsak dingah a rak sawm asi. Pope cun Pathian ih sersiam mi rannung pawl parah kan tuah sual mi sual nak pawl sir dingin kan sualnak kha theifiang dingih in sim ih hleiah, in co nak in khal siseh, tu le tu a thuai lam vekin hngetkhoh zetin ralrinnak in pe a si.

“Minung pawl hrangah Pathian ih sersiam mi rannung phun tampi siatral ter nak, a siat hrih lo mi leilungpi kha boruat thlengawk nak dinhmun tiang ih siat ter nak, thingkung pawl hlohral ter nak, hring dildel leilungpi siat ter nak, Leipar ih tidai pawl, leilung pawl, thil balhter nak le cu mi pawl par ih hram a bun rero mi rannung pawl kha siatral ter nak cu sual a si. Leilungpi ih mahte um mi kiangkap par ih sual tuah cu kan mah in dokalh tu sual nak a si vekin, Pathian par ih sualpi tuah khal asi.