Pope Leo in nunnak cem ter thei mi hriamhrei le khat le khat hrinhro awk nak in remdaihnak a din thei lo tiah sim.(March 1, 2026)
America le Israel in Iran kha tlunvan in an do hnu cuihmun sungah tuahsiatnak pawl a tam lai caan ah remdaihnak hrangih nun canziaza thawn pehpar mi tuanvo kha mangsal dingah Pope Leo XIV in a rakforh fial.
Zarhpi ni Angelus thlacamnak ah Iran le Middle East (nisuahnak a laifannak) hmunih a cang mi dinhmun parah a thin a phan zet thu Pope in a rak langter. Fekte ih umnak le remdaihnak kha khat le khat hrinhronak in a din thei lo. Siatsuahnak, nattuarnak le thihnak tiang a cang ter thei mi hramhrei pawl khal in remdaihnak a din thei lo. “Cumiaiah a thuhla remawk thiam dingin a hman ih tuanvo la in relremnak lawngin remdaihnak a din thei a si” tiah a rak sim.
Pope in tuahmawhawknak remtheih lo in a than asile riahsiat za thilcannak pakhat a can thei thu ralrinnak a rak pe.
“A tumzet mi riahsiat za dinhmun pakhat a cang thei mi tikcu caan ah”tiah a rak sim. “Hi mi thu ih a tel tu zaten remdaihnak ngah thei lo dingih tuahsiat awknak tidaan pawl kha cawl in ziaza thawn a pehpar aw mi tuanvo la dingah a rak sawm.
Pope Leo XIV in rampi pawl kha remdaihnak hawl dingah thurel tlangnak ah kirsal thei dingah thla a rak cam sak.
“Biakawk tlangnak in mai tuanvo ciar la thei hram uh. Thudik parah hram bun in remrual ten um tlan duhnak miphun pawl in thatnak pawl thape thei hram uh” tiah a rak sim ih remdaihnak hrangah thlacamnak kha pehbet in tuah tlang uh si” tiah tha pe phah in a rak sim.
Zarhte ni ah American le Israel in Iran ram ih Tehran tel in a dang khuapi pawl parah tlunvan in donak an rak tuah.
American le Israel in Iran kha tlun van in donak an rak tuah hnuah Iran in a lehrul sal ih American ralkap umnak Sakhan umnak a si mi doawknak an tuahnak hmun Gulf ram pawl a rak do sal.
Iran ram ih a cozah thuthang pawl in rampi uktu Ayatollah Ali Khamenei a thih thu ngam hnget in an sim. Cui hotu cu 1989 in tuini tiang uktu 37 rei Iran ram a rak uktu a si ih a thih can ah kum 86 a si thu theih a si. Hi mi thuthang cu Vatican thuthang in kan ngan mi asi.
