Pope in Afghanistan le Pakistan karlakah biakawk remnak ding le remdaihnak hrang thlacam sak. ( March 01, 2026)
Pope Leo XIV in Afaghanistan le Pakistan hnen thurelnakah thleng thei dingah a forhfial ih Brazil ram ih Tidai liannak ruangih harsat tuartu pawl hrangah thla a rak cam sak.
Pope Leo XIV in ramri in a cang mi kahawknak ah Afaghanistan le Pakistan ram thurel tlangnak ah kirsal dingah a rak forhfial ih Brazil ih Tidai liannak ruangaih siatsuah tuartu pawl hrang khal ah thla a rak cam.
Tuizarh thoknak lam ah Pakistan in an ramri a si mi Afghanistan kha do atum tiah an puhmawh hnuah an ram hnih in doawknak pawl a suak. Zarhpi ni Angelus thlacam nak ah Pope Leo in an ram hnih in dungsip in reltlang dingah a rak forhfial ih a tui dinhmun ah thinphan nak tampi a um tiah a sim.
Pope Leo XIV in a tui a cang rero mi ralbuainak pawl karlak ah remdaihnak le lungrual nak hrangah thla a rak camsak ih American le Israel in Iran an donak lehrulhnak pawl a um ih nisuahnak a laifannak hmun ih buainak pawl tel in leitlun ih ralbuainak hmun pawl hrangah thla a rak cam sak.
Leitlun ih raldonak hmun zate ah lungrualnak a thlen theinak dingah thlacam tlang uh si tiah Pope Leo in a rak sawm. Mi phun le mi phun karlak ih a na mi hliamhma pawl a dem ter thei mi pakhat cu Pathian ih laksawng a si mi remdaihnak lawng a si” tiah pehbet in arak sim.
Pope Leo XIV in Bazil ram ih ti liannak ruangah siatsuah tuartu pawl le innsang pawl hnen kan dung reilo te ah a rak langter. Riahsiatnak a tongtu innsang pawl le mi bomnak hnatuan a tuahtu zate hrangah thla ka cam sak tiah a rak sim.
Tidai liannak le ruahtamtuk surnak ruangah Brazil ramah a malbik minung 46 in an nunnak a cem thu theih a si. Nunnak cemtu tamsawn cu Juiz de For a le Uba khua pi a si ih cu mi cu Rio de Janeiro khuapiih nitlaknak lam kilometer 300 hrawng ah a um. Kan thuthang rak siartu zate parah Pathian thlasuahnak um hram seh. Hi mi thuthang cu Vatican thuthangin kan ngan mi a si.
