Apostolic Vicar pakhat in Gulf hmunih a cang mi bompuak hnuah zumtu pawl hnen thlacamsak dingah sawm.(February 28, 2026)
Hmunram buainak ruangah Bahrain, Kuwait le Qatar ih bompuak theh hnuah Apostolic Vicariate of Northern Arabia Biaknak lam cangvaihnak pawl zaten a tui dinhmun ah colh a si thu a rak than.
Cuihlei ah zumtu pawl hnen daiten um dingah thu nei tu mipi pawl ih lamhmuhnak thlun dingah le remdaihnak hrang thlacam tlang dingah a rak forhfial.
Hmunram sungih doawknak a sosan lai ah Iran thawn pehpar mi donak cu Dubai, Doha, Bahrain le Kuwait khal in an rak hmuh thei. Cui thil cang pawl cu United State le Israel pawl komkhawm ih donak ih a cang mi asi. Iran acozah media thuthang pawl ih an ti nak ah Minab khuapi ih tlawngta nunau mi 53 in an nunnak a cem tiah an sim.
Bishop AIdo Berardi cu Apostolic Vicariate of Northern Arabia ih Apostolic Vicar dinhmun in zumtu pawl hnen remdaihnak hrang thlacam dingah a rak sawm ih thinphang tuk lo in ralringin ruat thiam dingah a rak forhfial.
Fides News Agency ih simnak ah Bishop AIdo Berardi in “a tu cekci ah cun kan thei mi thu pawl tampi a um hrih lo. Biakinn lam thawn pehpar mi cangvaihnak zaten colh thluh a si. Tuizan 7 pm an mai tikcu caan ah Remdaihnak hrang Missa sumnak tuah dingah vicariate in Puithiam pawl a rak sawm” tiah a sim.
Apostolic Vicariate of Northern Arabia ah Bahrain, Kuwait, Qatar le Saudi Arabia pawl an tel.
Cuihmun ih thuthang media ih an thannak ah Bahrain ah bompuahnakah a cekci cun tutiangah cun theih a si hrih lo thu theih a si. Cuiram ah United States Naval Forces Central Command le United State Fifth Fleet pawl ih hmunpi umnak hmun a si. Cuihleiah tuisun tuandeuh laiah United States le Israel pawl in Iran donak an tuah hnuah Iran in ballistic missiles pawl in Kuwait ih America ralkap pawl umnak hmun pakhat a rak do thu thuthangah an tarlang.
Zumtu pawl hnaen a ngan mi caah Bishop AIdo Berardi cu pawlpi pawl hnen thin daiten um hrih dingah humhimnak hrangih lamhmuh ralrin peknak pawl thlun dingah le remdaihnak hrang thlacamnak thawn tuah dingah a rak forhfial.
Hi a him lo mi tikcu caan ah tiah Bishop in AIdo Berardi ih a rak ngan mi ih Vicariate Pope aiawh ih tu neinak sungih zumtu pawl zaten thin phang tuk lo in um dingah, thlacamnak in lungrual ten komawk dingah le mitin ih humhimnak hrang ralring dingah a rak sim. Innsung, hnatuannak sung le Biakinn pawl ih a tul mi tuahsak nak pawl thlun dingah mipi lam ih thu nei tu pawl ih lamhmuhnak pawl thlun dingah a rak forhfial.
Bishop AIdo Berardi in Puithiam pawl le biakinn lam ih tuanvo nei tu pawl khal lam a rak hmuh ih mai pastoral uknak hnuai ih um tu pawl humhimnak pe thei dingah a tul ih tuanvo neihnak thawn tuah dingah a rak forhfial.
Cuihlei ah kum upa pawl, dam lo pawl le thanau mi pawl, pawlkom pawl in ngaihsak dingah tha a rak pe ih Biakinn lam cangvaihnak pawl kha thleng a tul pang a sile mah thawn pehpar mi dinhmun pawl kha lamhmuhnak lo theih ter sal a si ding tiah a rak sim.
“Pathian in nangmah le na innsang pawl lo humhim hram seh, Arabia ih kan Nu si mi Bawinu Maria khal in kan zaten in kilhim hram seh” tiah Bishop AIdo Berardi ih a sim ih thlacam sak dingah international community pawl hnen khal ah pehbet in a rak sawm. Hi mi thuthang cu Vatican thuthangin kan ngan mi asi.
