Pope Leo XIV in Africa, Spain le Monaco ah a Tuukhal khual tlawnnak nei ding.(February 25, 2026)
Holy See Press Office ih thusuahnak ah Pope Leo XIV ih a ra lai ding mi caan ih a Tuukhal khualtlawnnak cu a tanglam vekin suah a si.
April thla ah Africa ah ni hra rei tlawnnak a nei dingih Algeria, Cameroon, Angola le Equatorial Guinea ah a tlawng ding a si. March thlacem lam ah Monaco (Principality of Monaco) ah ni khat rei tlawnnak a nei ding. June thlaah Spain ah ni 6 rei in Tuukhal khual tlawnnak a nei ding ih Madrid, Barcelona le Canary Islands khal ah a feh ding a si tiah sim than nak an tuah.
Pope Leo XIV in Africa ah ni 10 rei Tuukhal khual tlawnnak veihnih a nei ding thu Holy See Press Office in kan dung Tlawngkai nithum ah a rak than. A hmaisa ah March thlacem lam ah Monaco ah nikhat rei a tlawng ding asi. Cuihnuah April thla ah Africa ah tlawnnak a nei dingih netabikah June thla ah Spain le Spain tikulh ih Canary Islands ah ni 6 rei tlawnnak a nei ding.
2025 kum cem lam ah Turkiye le Lebanon ah a thupi zet mi Tuukhal khual tlawnnak a neih theh ih cui hlei ah Italy ram sungah ah vehvaihnak a nei ding tiah Lampedusa tiang a feh dingih Pope Leo XIV cu Leitlun ih Pathian fale pawl hnen tlawnnak a nei ding vivo ding tiah an sim.
A reibik mi a Tuukhal khal khual tlawnnak cu April 13-23 tiang a si dingih Saint Augustine ih keneh pawl thlun ih Algeria ah Algiers le Annaba khal a feh ding a si.cuihnuah Africa a laifannak ih Cameroon ah Yaounde Bamenda le Douala pawl ah a feh ding. Pehbei in Angola ah Luanda, Muxima le Saurimo khal ah fehnak a nei ding. Netabik ah Equatorial Guinea ih Malabo, Mongomo le Bata khal a tlawng ding a si. Hi a khual tlawnnak cu a thupi zet mi Tuukhal khual tlawnnak a si ding tiah ruah a si. Cuitlun ah a thangso rero lai mi ram hnihah a tlawng dingih a hleice in farah harsa pawl le an mah kiltu pawl hnen khal ah a vehvainak caan a hmang ding asi. Hi Tuukhal khual tlawnnak ih a thupi bik cu remdaihnak khaisangin din dingah a si. Pope Leo cu Cameroon ram sak lam ih mirang ttong hmang tu pawl Anglophone region hmunram khal ah a feh ding. Cuihmun ah kan dung kum 10 lai in ramsungbuainak pawl a cang theu. Hi Africa ih a netabik a tlawnnak ah Equatorial Guinea ah a feh dingih cui ram Africa sungih Spain ttong kha an mai ttongih a hmangtu rampakhat a si. Pope Leo ih a Tuu khal khual tlawnnak rei zia cu 1985ah ni 11 dung ah ram sarih ih a tlawngtu Pope John Paul II ih Tuukhal khual tlawnnak thawn a niahniam aw. Tui kum 2026 March 28 ah tuah dingih nikhat khual tlawnnak a si dingih Holy week thianghlim zarh hlante ah Monaco an a feh ding. Pope cu Monaco ih ram thuneitu pawl in a tule tu an sawmnak kha a cohlangih a tlawng ding asi.
Pope Leo in Musalem a tamsawn umnak Algeria in a feh bet dingih Africa laifannak, Christian pawl tam sawn umnak ramah a feh ding asi. Algeria ah Khriatian pawl cu mi malte lawng an si nan lungrualnak ten an um. Cuitlunah a tui a fehnak ding Christian tamsawn um nak ram ah an mai zumnak ruangah harsat an tong ko nan an zumnak kha lungawi zet in tetti a khan tu Khristian pawl an si. Hi mi thuthang cu Vatican thuthang a thupitnak a tawizawngin kan ngan mi a si.
