Pope Leo XIV in tui caan Lenten season (Vua tikcu caan) ah na nunnak cu a lamdang hleice mi zuksuai thiamzet ih zuk mi si dingah tuah aw. (February 22, 2026)
Vua tikcu caan zarhpi ni a veikhatnak ih tuah mi sun Angelus thlacamnak sungah Pope Leo XIV in zumtu pawl hnen Pathian in nan mah pawl cu a lo thianghlim ter ih a danglam hleice mi kutthiam pakhat dinhmun ah lo thleng ter hram seh” tiah forh fial in a rak sim.
A thusimnak sungah Pope Leo XIV in tuisun ih Gospel thuthagtha siarnak ah St. Matthew ih thuthangtha kha mangsal in a rak sim. Cui ca thianghlim sungah Jesuh Khrih cu thlangpar ih khuavang hniksak a tuar thu (Mt 4: 1-11) sungta a rak sim.
Ni 40 sung rawlul thla a cam hnu taksa lam thawn pehpar mi halnak pawl siseh, thlarau lam le si daan pawl thawn pehpar mi ah khuavang ih tukforhnak pawl ruangah Khrih cu a mai minung sinak ah ritzet in a tuar thu Pope in ngamhnget in a rak sim.
“Kan zaten kan nunram lam tluan ih ton mi harsatnak pawl khal a rak tongih a rak tuar” tiah Pope Leo in a rak lang ter. A sinan “Khuavang tha lo a rak nehnak in kan ni kha khuavangih sualsawmnak le thlemnak pawl neh theih mi kan si thu a rak lang ter” tiah Pope in a rak sim.
Pathian a mah rori ih a rak ton mi thu pawl ruahsalnak in Pa Pathian in biakthawinak lam ah Lenten kan ti mi Vua tik cu caan kha tleunak thawn a khat Ih lamzin pakhat dinhmun in hmu dingah in sawm a si tiah a rak sim bet.
Thlacamnak, rawlulhnak le peknak thawngin kan mah pawl cu kan nunram kha a mawi hleice mi tuahnak pakhat ih sernak ah Pathian thawn tuah nak kha a thar in kan rem thei a si tiah Holy Father in a rak sim. Hi mi thuah Pathian hnen ah kan mawhnak pawl thiang ter in kan hraimhma pawl dam ter nak in kan nunram kha mawi zet ih um dingah onnak kan neih a tul. Cuihnu ah duhdawtnak ngah dingih apnak in a nuam mi nunram a ngah ter a si tiah a rak sim bet.
Pope in hi khualtlawnnak lamzin cu a ngaingai ih cangvaihnak a tha mi lamzin a si thu a sim ih a remcang ih a ol mi lam ah mi a hruai theinak tuar thiam dingah lole thinlung lam ih tuah duhnak pawl malnak ral a um thei theu thu khal a rak thei ter.
Pope Leo XIV in Jesuh ih a rak tuar mi thlemnak pawl cu kan mai tuahcop ih a hman mi lungawinak ai ih pek mi malte a sithu a rak sim ih netabikah hi pawl hrangah thinlung nuam lonak le a lawngin um nak dinhmun a can ter tiah a rak sim bet.
Pope in tui caan thlawhsuah nak can a si mi Thlacamnak le terhsiannak thawn zaangfah lainatnak hnatuan pawl kha thlah phoih lo in famkim ten tuan in kan zuam tlang pei” tiah forhfial in a rak sim. Pope in malte hrang lawng a si mi TV, Video le Mobile Phone pawl phit phah in thinlung daite ih umnak tuah tlang uh si” tiah thupit in a rak sim ih Pathian ih ttongkam kha ruat in Sacraments pawl naih in kan thinlung sungih thiangthlarau ih sim mi aw kha ngai tlang uh si” tiah ruahnak a rak pe.
Pope in innsang, hnatuannak le kiangkap sungah khat le khat thu ngai aw in um dingah a sim ih mahte lawng um tu pawl a hleice in kum upa pawl, farah pawl le damlo tu pawl ngaihsak dingah tha a rak pe.
Tui Vua tikcu caan ih kan khualtlawnnak cu Bawinu Maria hnen ap uh si.
Pope Leo XIV in a hleifuan mi thilri pawl kha thlahphoih nak in a tul mi pawl thawn mai khawl mi thil pawl kha mi hnenah zem in pek a thei thu ralrinnak a rak pek.
Hi ti vekin thlacam kan cam tikah St. Augustine ih zirhnak thawn pehpar in a sim ih hi ti vekih kan tuah le Vancungah kan thlacamnak a thleng dingih thinlung daihnak khal a pek thei thu a rak lang ter.
Netabik ah Pope Leo XIV in hi hniksaknak caan Vua caan ah mai fale pawl kha bawm thei tu Maria hnen thlacam in kan Vuatik cu khual tlawnnak ah bawmnak in pe dingah a dil in a caan a rak cem ter. Hi mi thuthang cu Vatican thuthang in a tawi zawng le a remcang thei bik in kan ngan mi a si.
