February-23
Mithianghlim Polycarp cu Cathianghlim ngantu Mithianghlim John in Christian Biaknak ih a rak thleng awk ter lawng si lo in Smyrna khuapi ih Bishop ih tuanvo rak pek mi khal a si.
A dungthluntu pakhat a si mi Irenaeus in Florinus hnenih ca ngan ah “Upat tlak zet mi Polycarp in Pathian thuthangtha a simnak hmun ka lo sim thei.
Ka ruah nak ah hmun tin a feh dan, a thianghlim mi a nuntuzia, upat tlak a si nak thawn a famkim mi a mithmai, cui sin midang pawl a forhfial dan zaten ka mitthlaam ah a cuang.
Upat tlak zet mi Polycarp in Bawi Jesuh thawn an rak um tlang lai ah Mithianghlim John le midang pawl ziang tin a rak biak. Aw kaa in ziang vek tongkam pawl a thei ti cu kei mah rori ih theih mi vek a si” tiah a rak ngan.
Tamuhyanah khuapi lan in Rome khuapi ih an kaih mi Pathian thu ruangih thah a tuar tu ding Mithianghlim Ignatius ih hridai pawl a rak hnam. Mithianghlim Polycarp in Mithianghlim John hnenin Biaknak lam ih ruah nak bang aw lo tu pawl hrial ding ti a rak thei.
Nikhat ah Rome khuapi ih lamzin par pawl ah Pathian zum lo tu Marcion thawn an ton awk tikah cibai a buuk ih a thinheng in Mithianghlim Polycarp cu “I thei maw?” tiin a sut ih Polycarp in “Ka lo thei. Nang cu khuavang fapa na si” tiah a rak let.
155 ah Marcus Aurelius Christian pawl a hrem lai ah Polycarp kai dingah ralkap hrekkhat a rak thlah. Cui ralkap pawl cu a thupi zet mi zaanriah ei puai vekin a rak hmuak ih upat nak thawn thla a cam saknak thawngin ralkap tampi an nunnak an rak thleng.
A mai zumnak thlaphoih dingih a forhfial tu Siangpahrang hnenah kum reipi Bawipai rian ka rak tuan. Ka parah Bawipa hi veikhat te hman a rak sual dah lo. Ziang tin saw i rundamtu cu ka thangsiat thei ding.
Nang cun malte sung a kang ih a ziam men ding mi meisa thawn i hringhro. A sinan nang cun nangmah vek ih mitha lo pawl hrangih timtuah cia mi kumkhua sual cawhkuan pek ding mi meisa cu ziangah nan siar lo a sihi” tiah a rak sim bet.
Mithianghlim Polycarp cu fei thawn an sun ih thuam ih a vutcaam a ziam tiang meisa thawn an rak ur.
A mai netabik a tikcu caanah “ Aw Bawipa martyr pawl lak ah tel thei in Jesuh Khrih ih kkhuathai inn thei dingah hi tikcu caan cu tling le tlak zet ih i pek ruangah ka lungawi” tiin thla a rak cam.
