Pope Leo in nunnak cemtu Cardinal Polycarp Pengo cu “fimnak nei, mi nunnem pastor a si tiah sim. (February 21, 2026)
February 21 ni ih suah mi telegram ah Pope Leo XIV in Tanzania ram, Dar es Salaam diocese ih a cawl zotu Archbishop Emeritus, Cardinal Polycarp Pengo ih nunnak cemnak thu a thei tikah Puithiam pawl, religious pawl le zumtu kawhhran mipi pawl hnen a thin a nuam lo thu le a riahsiatnak thu a langter.
Kum reipi Puithiam dinhmun in rian a rak tuannak ruangah a hleice in Puithiam pawl ih fimthiamnak lamah a mai ralthatnak le a terhsiannak ih a pek mi pawl le Africa le Madagascar Symposium of Africa le Madagascar hrangih a tuannak pawl cuihleiah Holy See hrangih a riantuannak pawl ruangah a lungawi thu, fimnak thawn nunnem zet in a um tu hi Uktu Pastor ih thlarau cu Tuu khal tha a si mi Jesuh Khrih ih zaangfah lainatnak ah thlacamnak thawn ka ap a si tiah Pope Leo in a tui Madagascar archbishop Jude Thaddaeus Ruwa’I chi hnen a kuat mi telegram ah a rak ngan.
Pope Leo in a mai nunnak cemnak ruangih riahsia tu zate hrangah Pathian ih hnemnak le remdaihnak ih hminsinnak ah a mai Apostolic thlawhsuan khal a rak pe.
Cardinal Pengo cu February 19 ni Tlawngkai nili ni ah a kum 81 ah Lung lam le thihri lam thawn pehpar mi Siizung pakhat ah tuamhlam a si ih cui hmunah a nunnak a rak cem. Amah cu 1944, August 5 ni ah a rak suak ih 1998 kum ah Pope John Paul II in Cardinal ah a rak khaisang. Cuti in a mah cu Tanzanian ram in a pahnihnak Cardinal a si ih College of Cardinals ah telnak khuan a neitu a si. a mah cu 1992 kum in 2019 kum Cardinal in a colh tiang Dar es Salaam Bishop dinhmun in rian a rak tuan tu a si. Hi mi thuthang cu Vatican thuthang in kan ngan mi asi.
