7. Thin khuaruah harnak pakhat ruangih lungrual sal nak

Pope ih sim mi cu science mifim tampi, thuruat thiam mifim pawl Kawhhran lam ih thiam hleice pawl pawlkom hnatuan, ramuk tu pawlkom ih sungtel pawl ih thinhar nak pawl kha a thar in an thok sal asi. Hi pawlkom sungtel pawl ih ruahnak pek nak pawl cu hi thuhla thawn pehpar aw mi Kawhhran ih pom dan pawl kha a famkim ter sinsin asi.

Catholic Kawhhran ih a lengih um mi Protestant pawl, pawlkom pawl le a dang Kawhhran phunkim ih biak nak pawlkom pawl khal in, kiangkap thuthawi pehpar in an thinhar nak pawl kha an lang ve ih hlei ah minung zate hrangah an thinnom thei lo nak hi thuhla thawn pehpar in ruah nak thatha pawl khal an lang ter asi. Tahthim nak ih kan sim a sile Christian sungih a thehdarh aw mi Kawhhran pawlkom pawl pumkhat ih an can sal thei nak ding hrangih a zuam rero tu kan upat zet mi Orthodox Christian kaingih Archbishop Batholomew ih suah mi kha ka lang ter duh asi.