Mexico ram Monterrey archdiocese ah a sang zet mi thinglamtsak thok. (February 12, 2026)

Mexico ram ih Monterrey archdiocese in Nuevo Leon khuapi hmunramah zumnak ih a langsar mi hngilh lonak pakhat din dingah a san lam 170 m a sang mi zaangfah lainatnak ih Thianglamtah tuah dingah timtuah nak an rak nei.

 Cu mi cu Nuevo Leon ramthen Cerro de la Loma Larga tlangpar ah sak ding mi “Memorial de la Misericordia” zaangfah lainatnak hngilh lonak pakhat a si ih cui hmun cu Monterrey le San Pedro Garza Garcia karlak ih hmin thang mi tlang pakhat a si. Cu mi Thinglamtah an theh tikah cun khuapi tamsawn in an hmu thei dingih thlarau lam, nunphung le khuapi langsarnak hngilh lonakah a cang ding tiah ruahsannak an nei.

Hi hngilh lonak tumtahnak cu Pathian hnen lungawi thusimnak le thangthatnak a si ih harsat lai caan khal ah ruahsannak kha khaisang dingah le zumtu pawl hnen Khrih ih Thianglamtah par ih riahsiatza ih a umnak ruah thiamnak in nitin nunram ah zaangfahnak kha hrambun in nung thei dingih tumtah mi asi.

Cuihlei ah hi mi tumtahnak cu 2031 ih tuah ding mi Guadalupe Bawinu Maria a langnak kum 500 kim le 2033 kum ah Khrih ih harsat tuarnak, thihnak le a thawhsalnak kum 2000 kim caanserh hrangih timtuahnak ih an tumtah mi a si.

Hi mi cu Fray Gabriel Chavez de la Mora in design a suai mi a si ih a mah cu New Basilica of Guadalupe hrang khal ah design rak suai tu a si.

Alaifannak ah a thianghlim mi Eucharist (Bawipai sangreu ) ret a si dingih thlacam duhtu pawl hrang thlacam thei dingah hall khan pakhat a tel ding. Apawl le a sen zawng (rong) tleunak pawl in Khrih ih Fei ih sunnak a hnak in a luang mi tidai le thisen kha a aiawh dingih cuihlei ah leilung ih tleunak a si mi Khrih kha a aiawh mi tleunak pakhat khal a tel ding asi.

Cuihmun ah Biakinn pakhat le upat peknak ding thlacamnak ding lamzin (devotional pathway) khal sak cih dingah an tumtah ih an sak thok a si. Hi mi thuthang cu Shalom world news in kan ngan mi asi. Kan thuthang a rak siartu zate hrangah Pathian thlasuahnak um hram seh.