Nauhak kha thil a tha zawngin hmuh thiam dingah ziangti vekin tundin daan ding thu.
Nulepa tin in mai fale pawl kha nuamzet le rinthlak zet mi si dingah duhsak cio a si. Ziangkim a tha zawngih ( positive mindset) ti mi suah ihsin ken mi hnak in kiangkap hnen ih zirnak ruangah ngah thei mi fimnak pakhat a si.
Nauhak kha thinlung hnget zet in thil a tha zawngin hmu thiam thei dingah hi ti daan pawl hmang hnik uh si.
Nulepa tin in zohthim tlak si dingin zuam a tul. Nauhak pawl cu nulepa ih ttonghnak in an tuahnak kha an zoh theu. Harnak pakhat tontikah nulepa in beidong zet ih um hnak cun hi mi hi ziangti zawngin tuah le a tha ti mi a tha mi tuahnak thawn lehrulsal thiamnak kha hmuh an tul.
Lungawi nak hawl thiam dingin tuah sak aw. Zan ih zik tinten tuini a cang mi pawl lakah a tha bik mi thil pathum kha rel ter aw. Hi mi tuahnak in nauhak pawl kha a sia mi lak khal in a tha mi hawl thiam thei mi hmuhnak a ngah ter asi.
An ngah mi hnak in an zuamnak kha lawm in sunloih aw. Na thiam tuk ti mi tongfang ai in “ kafa a mitu ih a har zet mi na ca lole na thil tuah mi kha zuam zet ih na tuahnak par ah ka lung a kim zet” tin lawm aw. Cuti lawngah an mah pawl cu sunnak le harnak an tih lo dingih pehbet in zuam duhnak thinlung an ngah ding asi.
An sual nak parah neta ih ralring in thleng aw ter dingah zirh an tul. Nauhak kha pakhat khat a tuah sual pang tikah kawk hnak in hi mi a sual lak in ziang mi kan zir ding ti mi kha tha zetin rel tlang a tul. Thil ti palhnak cu zirnak ih lilawn kalbak pakhat vekih an theih thiam tikah nauhak pawl in thil hi a tha zawngih hmuh thiam theinak a thang ding a si.
An ruahnak kha ngai sak aw. Thil hi a tha zawngih hmu thiam ding ah cun riahsiatnak a um khal le tam hlah ti nak cu a si lo. An riahsiatnak le an thinhengnak kha ngaisan sak in a cu an thinlung kha ziangtivek in zirhnak sawn kha thin hahdam in a tha zawngih hmu thiam nak a ngah ter asi.
Thil hi a thazawngih a hmu thiamtu nauhak pakhat cu an tluksiat lole an beidon tikah tikah an tluknak in thosal dingah thazaang neibiktu ah an cang ding si. Tuisin thok in fale pawl kha thiltha lam zawngih ttong thiamnak le hmuthiam dingah zirh tlang uh si. Hi mi thu hi nauhak pawl thluaklam thu thawn pehpar aw in kan run ngan mi asi.
