2026 kum sungah Pope Leo XIV in America ah tlawng lo ding tiah Vatican thuthangin tarlang. (February 08, 2026)
2026 kum sungah Pope Leo XIV cu America ram ah a thlawn lo ding thu Vatican thuthang zung ih tuanvo neitu Fr. Matteo Bruni in Zarhpi sunah a rak sim ih Pope ih suahsemnak ram ah a khual tlawnnak a tuah thei men tiah a rak sim.
America ram ih rampi zatlennak kum 250 kim hngilh lonak ni July 4, 2026 ni tuah caan ah a rat thei thu America Catholic hrekkhat pawl in ruahsannak an rak nei.
Hmunkhat ah Pope ih ramleng a Tuukhal khualtlawnnak pawl cu a nai deuhdeuh thlang. Africa ih Catholic Pawlpi thunei tu pawl ih an simnak ah Pope cu Africa ram hrekkhat a ra dingih Angola le Equatorial Guinea ah ra dingin an ngamhnget zo. Cuihlei ah Cameroon khal ah a feh ding tiah ruahsannak tumpi an rak nei ih a Tuukhal khual tlawnnak ding cu Thosal puai theh hnuah a si tiah ruahsannak an nei.
Thlanglam America ah cun Pope in a hlan ih Puithiam dinhmun ih rian a rak tuannak Peru ram ah tui kum sungah a tlawng ding thu, Peru Puithiam pawl in an sim ih a Tuukhal khualtlawnnak ding tikcucaan cu November lole December thla thok lam ah a si thei thu cui hmun ih Pawlpi tuanvo neitu pawl in an ruahsan.
Cuitlunah Sapain ram khalah a tuikum thal sungah a tlawng ding tiah an ruahsan ih Sapain Khawhhran thuneitu upa pawl ih simnakah Madrid, Barcelona le Canary IsIands Tikulh pawl khal a khual tlawnnak ah a tel thei thu theih a si.
Hi mi thuthang cu Catholic news agency in a remcang zawngin kan ngan mi a si. kan thuthawn a rak siartu zate zate parah Pathian in thlawsuahnak lo pe sin hram seh.
