Pope in Religious (thukam pathum la tu Pathian hnatuan) tu pawl hnen hriamhrei aw thang celcel in umnak hmun pawl hmanah nan mah cu Jesuh Khrih ih tetti khantu pawl nan si tiah sim. (February 2, 2026)

Pope Leo XIV nak in pumpe nunram (religious) hrang ih Leitlun huap a vei 30 nak caanserh ih Missa raithawinak a tuahnak ah harsat nak dinhmun tampi karlak khal ah a sawn lo mi zumnak thawn nungin a thluntu nunau le mipa pawl kha upat sunlawihnak thawn a rak lawm. Cuihleiah an mah pawl cu “remdaihnak a suah tertu thilnu (thil karhzaiter tu) Sang le ruahsannak ih hminsinnak” si dingah a rak sawm.

Jesuh Khrih kha nai zetin thlun dungah nan mah in thukam la in nan umnak thawngin a mah le mah niamzet ih a umnak ih duhdawtnak le thlarau thianghlim kutsungih a um mi a mai nunnak kha hlawm tlang nak in nan mah pawl cu buainak pawl a neh mi lamzin kha leilungpi hnen hmuh thei hram uh. Hi ti ih tuah tikah tahthim thei lo mi duhdawtnak le ngaidam nak ihsin unau vek ih ruah awknak thinlung nei thei hram uh tiah a rak sim.

Pope Leo in pumpenak nunram hrangih leitlun huap ni (February 2) Tlawngkai ni khat ni ih tuah mi Missa raithawinak ah ralrinnak a rak pe. Hi mi caanserh cu Pope St.John Paul II in 1997 kumih a rak tuah thok mi kumtin hngilh lo nak ni a si. February 2 ni cu Bawi Jesuh Biakinn sungih ap nak ni ti ih hman theu asi.

Pope ih thu a simnak ah Pope Leo in Bawi Jesuh kha Jerusalem Biakinn pi sungih ap nak ni St.Luka Gospel Cathianghlim ngan mi vek in Simeon le Anna cu Biakinn pi sungah Jesuh kha Messiah a si ti ih an ngamhnget ih an rak phuannak kha mansalnak ni sunglawi a si. Cuihnuah a nih in “kan mit hmuh ih a cang mi cu duhdawtnak ih cangvaihnak phun hnih an tongaw asi. Phunkhat cu a mai miphun pawl ruun dingih a ra mi Pathian ih duhdawtnak asi ih a dang pakhat cu ralring in zumnak thawn a mai ratnak kha a hngaktu minung pawl ih duhdawtnak a si tiah a rak sim.

Pehbet in a sim hrih mi cu hi thilcang hi thinglung sungah ret in ap awknak nunram (Consecrated life) hrangih leitlun huap a vei 30 nak ni tuah lai ah ap awk nunram (religious life) (thukam pathum latu siangbawi, sister le brother pawl) dinhmun ih um tu pawl cu Pawlpi sung le leilungpi ih pek mi a thupi mi tuanvo tin cohlang ding a sithu a rak sim.

Nan Pawlkom a rak dintu mipa lole nunua pawl cu Thiangthlarau ih thangphawknak kha a rak cohlangtu pawl an si ih hi ap mi tuanvo kha rin um zet le cangsuak dingin tuah dingah nan hrangah mangbangza zohthim thlak pawl an si.

Pope in mangsal in a sim mi cu Pope Benedict XVI in casuah mi Synodal Apostolic exhortation Verbum Domini ah “ Pathian ih tongkam thawn a nungtu pawl ih aw kan ngai lo ah cun Cathianghlim ih duhsan cu a kim in kan thei dah lo ding” tiah a rak ngan thu a sim sal.

Cu mi thuthawn peh par in Pope Leo in “tui ni kanmah pawl cu Pawlpi tuah mi a thupi zet ih rak tuah tu pawl kan unau (Brother, Sister) pawl hmangsal in kan sunloih a si. Cuihlei ah a thupi bikin an mai ro kha pehbet ih tuahnak in hi sunloihnak hi kan tuah rero nak a si” tiah a rak sim.

Pope Leo in thupit in a sim mi cu “Hi pumpe in Pathian hnatuan pawlkom pawl cu an mai miphun kha tanta silo in suah khal an suahsan lo. An humhimnak kha tu le tu an sung theu ko nan an mah pawl cu a harsa zet mi dinhmun nasa tak khal in nunnak ih a siatsuah thei lo mi thianhlimnakkha tongka hnakin tam deuh in that hnemnak a pe tu nunnak ih tetti dinhmun ah pehbet in an dinpi thu thupit in a rak sim.

Pope in a ngamhnget nak ah “Hriamhrei aw hrum lak khal ah mai hlawknak le tuahmawh siatsuah awknak in a neh tin ruah nak hmun hmanah an mai ( Pumpe in Pathian hnatuan tu ) pawl ih umnak in Jesuh tongkam kha an than a si. “hi mi a fate bik mi lak ah mipakhat hman siatsuah lo dingah ralring uh.” Ziangah tile vancungih an mai vancungmi pawl in ka Pa ih hmai kha an hmu ringring a si” tiah a rak sim.

Pope in a cemnak ah pumpe ih nunram ih nungtu Brother le Sister pawl ih umnak ruangah Pathian hnen a lungawi thu khal thupi in a rak sim. Cuihlei ah Pathian tumtah mi cu ziangvek hmun khal ah hruai sehla, nan ni cu remdaihnak a suahter mi thilnu sang si dingah le ruahsannak ih hminsinnak pawl si dingah Pawlpi in thape in a thangphawk ringring asi” tiah a rak sim.

A thlacamnak ah “Alter (Pulpit) parah kan nunram cu Pathian hnen kan ap lai ah nan hnatuannak pawl cu a thianghlim mi Nu Maria ih thlacam saknak thawn nan mah ih a thianghlim mi nan Pawlkom ( Congregation) rak dintu pawl ih thlacam sak nak thawn rak ap mi a si” tiah ap phah in a rak sim. Hi mi thuthang cu Vatican thuthangin a tawizawngin kan ngan mi a si. Hminsin dingah February 2 ni cu kumtin Pathian hnen ih hnatuan tu pawl a bik in Religious Life ti ih kawh mi farahnak, thian hlimnak le thungainak thukam pathum a latu Puithiam pawl, Sister pawl le Brother pawlih ap awknak puai ni a si.