Pope Leo XIV cu zarhpi sun Angelus thlacamnak ah “A sunglawimi thuthangtha” (Beatitudes) pawl cu hlanlai baible sungta men si loin thuanthu ih thimnak kha a vang ter ih leitlun hlawhtlinnak pawl hrangih a thathnem zet mi hrilding dang pakhat a simi “Lungawinakih tahnak” pakhat a si thu a rak lang ter a si.
- Thinlungih thukham thar
A sunglawi mi thuthangtha pawl kha lungpheng parah si lo in thinlung sungih ngan mi “thukham thar”tin a rak lang ter ih, leilungpi in in tansan vekih kan ruah caan ah nunram kha a thar ih a can ter thei sal thu a rak sim a si.
- Zumnakih dokalhmi umdaan
Leilungpi in lungawinak kha liannak neih nunnak le thilti theinak pawl thawn in pehzom ter ko nan, a dik mi bumnak cu farah harsat nak lak ih a langsar mi Khrih parih zum lo nak lawng a si thu hngetkhoh zet in a rak sim a si.
- Thuanthu ih thlengawknak
Thuanthu cu hlawhtlinnak a ngah tu pawl kutih ngan mi si lo in hmuhsuan a tuar tu pawl le pawlkom ihsin hnon a tuartu pawl kha hleice in runnak petu Pathian lawngin a ngan thu a rak sim a si.
- A hmun mi lungnom nak
Lungawinak kha “lei a theih mi hlawhtlinnak” le “tawm awk a theih mi laksawng” tin a rak langter ih a sunglawimi thuthangtha ih thluasuah cu buainak le farah harsatnak lakah minung pawl kha a bawm ringring thu Pope in hminsin nak a rak nei a si.
Pathian ih ruahsannak
“Leilungpi in ruahsannak nei lo pawl tiih hnon a tuartu pawl kha Pathian in a hleice in ruahsannak a pe a si.”
A sunglawi mi thuthangtha ih a um cia mi sinak
“Hi thil pawl cu a ngaingai ah cun thuanthu ih khuathim sungah Pathian ih a van mi tleunak pawl an si ih rundamnak thu lang ter nak a si.”
Leitlun le Pathian ih pek mi lungawinak
“Lungawinak cu milian pawl hrang lawng a si tin a rak ruat tu pawl cu Jesuh Khrih cu bum a tuar tu a si tin an ruat thei. A ngaingai ih bum tuar nak cu Khrih par ih zumnak hlawhsan nak kha a si.”
Pathian cu a hrampi bik a si thu
“Pathian lawngin farah harsa pawl kha “Mi sunglawi pawl” tin a ngaingai ih ko thei tu a si. Ziangah tile Bawipa cu a cem theilo mi duhdawtnak thawn kan zate hrangah a mah le a mah a hlan aw tu a sangbik le a thabik mi a si ruangah a si.”
Netabikah Pope Leo in miphun zate in “mi vannei” tiih kawhmi Pathianih siahhlawh kan nu Maria kha a sunglawimi thuthangtha thawn kan um theinak dingah in bawm dingin thla a cam ih a thusim a rak cem ter a si.
Let tu – Olivia Lal Ruat Mawi
Thuthang – Vatican thuthang
