Pope cu Castel Gandolfo ih um thuthang la tu pawl kha a tawi zawng ih sim asi le nisuah nak lam a laifan dinhmun thawn pehpar aw in theih ding mi a tuah ih remdaih nak hrangih thlacam dingin a forhfial asi.
“Remdaih nak hrangah thla tampi kan cam tul ti lawng ka sim ding.” Cu mi cu Pope Leo XIV in caan kel vek in tlawngkai (2) ni ah cawl phah hnatuan phah ih a cem mi Castel Gandolfo ih um cu mi ih innpi a si mi Villa Barberini ih a suah lai ah Italy media ih a rak sim mi a tawi zawng ih thucah asi.
Nisuah nak lam a lailfan nak dinhmun, a thupi bik in Persian tipithuanthum tlunah America vanzam phur tu Lawng Abramham Lincoln ih hoha mi tipar doawk nak pawlkom pawl an ra thlen nak thawn pehpar in thuthang la tu pawl ih thusuh nak pawl kha Pope in remdaih nak hrang forhfial bet in a rak sim sal asi.
“Kan nih vek milai menmen dinhmun in aww pawl ring ter thei asi. Hi buainak pawl kha relfel dingah thahrum thawh nak ai in thurel khawm nak sawn kha hawl sawn ding asi” tin a sim asi. “A hleice in (Shoah) Juu miphun thah awk nak mangsal nak ni tuisun ni vek te asi”.
Tuisun cu Holocaust hminsin nak ni asi vekin Pope Leo in cumi ih X(a hlan Twitter,) Account @Pontifex ah a hlan ih an rak ngan vekin “Jew sirhsan nak daan pungsan a phunphun kha do let sal uhsi” tin sim bet nak a nei lala asi.
Lettu – Agatha Za Len Mawi
Thuthang- Vatican thuthang
