Zumnak thawn pehpar nak (DDF) ih tuanvo Pope Leo XIV in cui zung ih a thupi bik tuanvo cu Praedicate Evangelium daan vekin Catholic kawhhran ih zirhnak pawl kha kilkhawi dingah le tthangso ter dingah Pope le Bishop pawl ih bawmnak asi thu, hleicein a rak sim asi. Cu pawl ah a thuai lam pawl an tel-
“Zum nak ro kha” hrambun in santhar thusuh nak pawl par thuk deuh ih theithei ding ih zuam nak”
A thuk zet mi ruah dan thawn pehpar mi thusuh nak pawl hrangah thudik le Cathianghlim thawn pehpar ih lamhmuh nak pawl pek nak
Sankhat hnu sankhat ih zumnak an pek awknak a cat thu Pope in santhar minung pawl lak ah zumnak pekhlan awknak ah langsar zetih “pelh nak” pakhat a suah thu a rak khih hmuh asi.
Co nak
A hlanlaipi ihsin Christian Kawhhran a rak karhzai nak hmun khal ah mino pawl cu thuthangtha kha mai nunram hrangih a thupi bik hrampi a si kha an hmu thei nawn lo asi.
Lehrulh nak
Hi dinhmun ah riahsiat lawng si lo in, Kawhhranpi dinhmun in “ Thuthangtha phuang nak kha a thlum ih thinhnem nak pe tu lungawi nak” kha hawl sal tul asi.
Pathian hnatuan duh nak thinlung
Kawhhranpi cu mah le mah lawng kha a zoh aw lo ih a lenglam pawl tla zoh tu Pathian hnatuan tu a ra si ding.
Mi lem thiam nak le tangdor nak
Kawhhranpi cu ziangtin a tthangso tul tikha a hlan Pope pawl ih zirh nak thawn kaih aw in fiangzet in sim nak a nei.
Mi lem thiam nak
Kawhranpi cu mah le mah khaisang awk nak si lo in “Zangfah lainat nak” lawng in midang kha lem thei ding asi.
Bawi jesuh cu hrampi sinak
Milem tu cu Kawhhranpi si lo in Bawi Jesuh lawng a si thu, Christian pawl cu Pathian ih sabit hmuan sungah “tangdor ih hnatuan tu” lawng asi thu kha ralrin pek nak a nei.
Dik nak le zawnruah awknak
A neta bikah Pope cu a thupi mi sualnak thawn pehpar mi pawl thuthen tikah cui thu pehpar aw mi pawl kha a rak lang ter.
Thubuai pawl thuthen tu Bishop pawl le tuanvo nei tu pawl kha lainat nak le a dik mi thuthen nak pawl kha bawm aw ton ding in a forhfial a si.
Cu vek ih thil pawl cu dik nak pawl, thuhman pawl le duhdawt nak pawl kha upat nak thawn thlun ding kha thupit in a sim asi.
Lettu – Olivia Lal Ruat Mawi
Thuthang- Vatican thuthang
