A thianghlim mi apmi hlawnthil, Pathian ih ttongkam cu Kawhhran sung ih ap mi “ man a nei zet mi hlawnthil” asi. Cu mi cu lungto vekin a cemral thei lo ih a hmun rignring mi thil siloin hlanlai ihsin lam in hmuh tu a nungmi thudik asi.
Hrambun nak pakhat lawng sinak
A thianghlim mi cathianghlim le tuahdan kel pawl cu Pathian kha hrambun ih a ra mi an si. Cu mi pawl cu thleidan theih loin thlarau rundam timi tumram pakhat lawng kha an khih hmuh asi.
Tuah dan kel ih daan pawl
Tuah dan kel timi cu Kawhhran ih zumnak, nunram thawi biak nak pawl kha sankhat hnu sankhat an run tuah vivo mi tuah dan asi. Cathianghlim kha Kawhhran ih “thinlung” sungah a thupi bik ih ngan nak asi.
Thlarau thianghlim thawng ih karhzai nak
A thianghlim mi thlarau thianghlim ih lam hmuhnak ihsin zumtu pawl ih ruahdan, Thlarau lam hmuhton nak pawl le Tirhthlah pawl ih aiawh tu Bishop pawl ih zirh nak thawngin cathianghlim kha thuk deuh in theih thei asi.
Pope Leo XIV ih a thupi bik zirhnak pawl
1. Cathianghlim le tuah dan kel kha thleidan a theih lo thu, cathianghlim le tuahdan kel cu pakhat um lo le a dang pakhat khal a din thei lo thu Pope cun a rak thupit asi. Cathianghlim cu casung ih hminsin mi asi ih, tuahdan kel cu cu mi ih a san simfiang dingin kan kiangkap ih thilnung pawl kha a bawm asi. Hi pahnih ih komawk nak cu zumnak ih “ a thianghlim zet ih ap mi hlawnthli pakhat” asi.
2. Thatho zet ih cangvaihnak (Thlaici tahtthim nak) St.John Henry Neuman ih a rak tong vekin Christian kawhhran cu thatho zet ih cangvai mi thudik asi thu a rak zirh asi. Thlaici pakhat cu thingkung tumpi ih a hung tthang vekin thudik ih sunlawi nak cu thlengawk nak a um lo ko nan thuanthu thar pawl ah kau sinsin in a ra thangso asi.
3. Zumtu pawl ih tuanvo “Ap mi hlawnthil” timi tongkam cu tuanvo lak nak kha ati duhsan asi. Kawhhran sungtel zate cun hi zumnak hlawnthil kha siat lo dingih kilkhawi dingah le nehhnu san tiang hlanaw vivo dingih tuanvo neih thu Pope cun ralrin nak a rak pe asi.
4. Lamhmuh tu arsi dinhmun ih thlarau thianghlim
Thlarau thianghlim cu Pathian ttongkam kha ziangtik lai caan khal ih nung ringring in in tuah sak asi. Thlarau thianghlim cu thudik thleng ter nak si lo in Kawhhran dinhmun in cui thudik ih “Lian nak” kha a caan ih zir in thuk zet ih theithiam sinsin dingin in bawm nak asi.
Lettu – Agatha Za Len Mawi
Thuthang- Vatican thuthang
