Thuthangtha simnak ih tumtahmicu “khristu thawn pumkhat sinak ih a thupi zetmi thil” a sithu Pope in a rak ngan a si.
Pawlpi ih a dikmi theih theinak cu “A thianghlim mi thumkom Pathian pakhat hnenin a ra ih thumkom Pathian ih cohlan nak thawn a hnget koh mi rualrem dingih tuahnak” a si. Cumi cu minung zate lak ih suahpi unau thinlung neih dingle sersiam mi leilung pumpi thawi mil aw dingin a tha hnem mi rualrem nak a si.
Thuthangtha simtikah kawhhran ih a tuanvo thupi bik cu pawlkom sungah thlarau lam le suahpi unau lungrual nak kha a thar ih ruah awk sal dingle, Khristian pawlkom dangdang lak ih rualremnak hnatuan pawl a karh sinsin theinak ding hrangih ruahsannak langter nak a si.
Tikholh nak a ngah tu zozo khal thuthangtha simnak hnatuan ah hrial lo ding
Hi rualremnak cu mah pakhat hrang lawng si lo in thuthangtha simnak kha a hmui tin a si. Hitinih rualremnak thawi lawngin Pathian thuthangtha simnak kha “A ngaingai ih karhzai ter theinak tha” a neih thu Pope in a rak nemhnget a si.
“Tikholh nak a ngah tu zozo khal hi thuthangtha simnak hnatuan tuan lo asilole ngaihsak lo ih um a ngah lo” mitin in kan mah pakhat cio ih kawh nak kan co nak le kan nunram lamtluan ah khrih in kawhhran sungih in ap sak mi a tumzet mi tuanvo sungah kan tel a tul a si. Pope Francise in tu le tu ralrin in pek vekin Pathian thuthangtha sim cu a ringring ih milawk nak, pawlkom ih hnatuan nak thawn bangrep ih khualtlawn tlang nak (Synodal) pawl an si.
Pathian thuthangtha simnak ih a sunlawinak cu duhdawtnak a si.
“Rualremnak cu thuthangtha simnak hrangih a tul mi a sile, duhdawtnak cu thuthangtha simnak ih sunlawinak asi.”
Phuan dingmi lungawi za thuthang ti mi cu ruah nak theory pakhat siloin “Jesuh khrih ih hmuihmel le nunnak thawn minung sinak a la tu Pathian ih a rinum mi duhdawtnak” a si.
Kum zabi sungih siar cawk lomi Khristian pawl, nunnak tiang pe ih titte khaan tu pawl, zumnak a pom tu pawl le thuthangtha simtu pawl cu Pathianih duhdawtnak kha leilung ih theih nak dingah an nunnak kha an rak thap a si.
“Lelungpi cun Khrih hrangih ngamhuai zetih titte khaan tu pawl a tul lai a si” “Kawhhran sungih rualremnak pawlkom pawl khal in thuthangtha phuang dingih kawhnak a co tu mithar pawl an tul ruangah kan nih cu Pathian hnenah thla kan cam ringring a tul. Leilung cem tiangin Pathian thuthangtha simdingah khrih dung thlun ih thil ziangkim tanta ih a thlun duh tu mino, upa pawl Pathian in in pe hram seh law.”
Pope ih thlacamnak
“A thianghlim mi kan pa Pathian, kan nih cu rualrem ten in um ter awla a thar ih na tuah mi Khrih ih duhdawtnak ah hrambun in nangmah ah pumkhat in si ter hram aw. Kawhhran mipi zate in thuthangtha simnak ah rualrem tei ih um in, a thianghlim mi thlarau thianghlim ih lamhruai nak kha thlunin, Pathian thuthangtha titte khaan nak ah in cak ter hram aw. Nunnak nei mi zate tlun ih na neih mi a rinum mi duhdawt nak kha nitin kan nun nakin in phuan ter hram aw.
Thuthangtha simtu mipa, nunau zate in thlasuah run pe awla an zuam nak pawl kha bawm in, an ruahsannak kha run kilveng hram aw. Thuthangtha simnakih Bawinu a si mi kan nu Maria, leitlun hmunkil ih thuthangtha simnak hnatuan ah in run kilveng hram aw. Kan nih cu remdaihnak ih hmarua in si ter hram aw. Leilung pumpi cun khrih ih rundamnak khawtleu kha hmu thei hram hai seh. Amen.”
Let tu- Olivia Lal Ruat Mawi
Thuthang – Vatican thuthang
