Pope Leo XIV in Vua caan ih Zarhpi Ni tin ah Rome  zung sungtel diocese (5) ah a feh ih Khawhran hnatuan tu pawl thawn ton aw in Missa sum nak kha tuah ding an si.

Pope Leo XIV cu vutcam culh theh ih a thaisun February 19 ni (Nili ni) ah Rome  zung sung tel Puithiam pawl thawn tonawk nak an nei ding thu Vicariate of Rome in a liam cia mi tlangkai ninga ni ah an suah asi.

A tlun lam ih suah mi ah Pope cu cui zung sungih  parish pawl ah a feh ding thu an lang ter asi. Vua caan ih Zarhpi voi (5) sungah Pope cu Eternal City ih Hmun (5) aiawh tu upa pawl thawn  an tong aw ding asi.

 “Hi mi cu a dik mi Pathian hnatuan nak ah a ra cang ding asi” tin Rome khuapi ih Assistant Cardinal Baldo Reina in sim nak a rak nei. “Curuangah Pope Leo XIV cu Pathian hnatuan tu pawl, mino pawl tel in Diocese sung ih pawlkom a phunphun pawl thawn tonawk nak an nei ding asi”.

Pope cu Kawhhranpi pawl thawn Missa  tuah nak an nei ding thu khal Cardinal Reina in a sim cih asi. A feh ding Parish pawl cu-

• Febuary 15: Ostia Lido ih Holy Mary Queen of Peace (Thlanglam hmun)

• Febuary 22: Castro Pretorio ih Most Sacred Heart of Jesus (A lailam)

• March  1:  Ascension of Our Lord Jesus Christ (Nisuah nak lam)

• March 8 :  Our Lady of the Presentation (Nitlak nak lam)

• March 15: Ponte Mammolo ih Most Sacred Heart of Jesus (Saklam)

Cardinal Reina in “ Pope Leo XIV cu a hlan Pope pawl ih keneh thlun in mai Diocese sungih Biakinn pawl kha a feh nak asi. Hi cu kan zate hrangah lungawiza asi vekin kan Bishop thawn Pathian hnatuan nak cu thangso ter vivo ding in caantha khal asi” tin sim nak a nei.

Credit : RVA Myanmar