Bawipa Jesuh cu a mai hnatuan kha Johan kaih a tuar ih “ a thim mi caan” ah a thok thu Pope in lang terin kan nih cu thlengawk nak pakhat tuah dingin “ a tha bik caan” kha kan hngak theu nan a tanglam vek tuah dingin a forhfial asi. A forh fial mi cu-
Ttih nak, thu theh thiam lo nak a silole a nuam lo mi tik cu caan ah a thupi mi thuthen nak tuah ding in cawl men hlah aw.
“Pathian ih caan” kha theithiam dingin mah le mah man hrih lo tin ruat awk caan a silole tikcu caan harsat caan ah Pathian cu hna a tuan ringring thu theithiam aw.
Zumnak thawn raltha zetin luar tuk ih ralrin hnak in harsat nak sung khal in tuah ngam nak ral tha in zum nak lam ah thleng aw. Jesuh Khrih cu a mai hnatuan kha theihthiam nak le Kawhhran zate pawlkom nak Galili ihsin a thok nak cu Pawlpi cu mitin hrang asi thu a lang ter.
Thenhran awk nak um lo Pathian cu “ a thiangfai mi pawl” hrang lawng ah silo in miphun zate, Kawhhran zaten le mitin thawn nai aw te ih um thei ding thu kha a lang ter asi.
Ramri pawl pah nak
Pathian thuthangtha cu nemhngek cia mi ram asilole miphun khat hrang lawng silo in miphun zaten hrang ah asi.
Mah te um nak pahtlang nak
Christian pawl dinhmun in leilung thawn hlat awk nak asilole mah ih “ kilhim awk nak ding hmun” sung lawngah um nak pawl kha hrial ding in Pope in forhfial.
Hmuntin ah tetti khaan ding
Pathian thu cu a hnok zet mi kiangkap le hmuntin ah a ngaingai ih sim ding asi.
Unau diktak thin lungnei ding
Zumnak cu a thekdarh aw mi didan le Kawhhran pawl lak ah remdaih nak le unau diktak thinlung um ter tu ding “ thilnu” vek a si tul.
Lungawi nak thawn a dungthlun nak
Hmaisabik tirhthlah pawl vekih tuah dingin forhfial nak thawn a thusim a cem ter.
Duhzet nak thawn lehrul ding.
Pathian in kawh nak cu zawnruah nak thinlung le lungawi nak thinlung thawn cohlang aw.
A mah thawn um tlang ringring nak
Kan nunram ah ziangtik caan le, khui tawk hmun khal ah Pathian ih duhdawt nak le zangfah nak cu a um ringring ti mi zum nak thawn nung aw.
Credit: RVA Myanmar
News- Vatican News
