“Samaritan mitha pa ih zaangfah lainat nak” “midangih thinnatnak kha theihsak nak in duhdawtnak lang ter uhsi”

2026, February 11 niih thleng dingmi Leitlun midam lo pawl Ni hrangah Pope Leo XIV nak cun “Samaritan mitha pai” thuanthu kha hrambun in mitheih sak lo nak tuisan leitlunah “Samaritan mitha pai thinlung” nei cio dingah forhfial nak a nei a si.

1. A ding fel mi zangfah lainat nak kha sawm nak

Duhdawtnak ti mi cu ruatnak menmen si lo in tuah nak a si thu Pope in hleice in a langter.

• Thatei zohnak ih hmual – Samaritan mitha pa cu midang vekin “lan men lo in” thaten a rak zoh. Cuvekih thatei zohnak ruangah a ngaingai ih bawm duhnak thinlung a rak nei a si.
• Tum nei zetih naitei um nak – “Innhnen” ti mi cu hmuhnak men kiang le kap ih a um tu lawng si lo in farah harsatnak a tuar tu pawl hnen naih dingih thu bohcat tu kha a ti duh san a si.
• Leitlun santi luan kha sirhsannak – khualrannak le theihawk ter lo nak in a khat mi tuisan ah midang pawl bawm dingah caan malte sung umcu a ngaingai ih lungawinak kha a ngah ter a si.

2. Tuamhlawm khawm nak ih thupit zai

Zaanfah lainat nak cu bulpak pakhat ih zuamnak ai in man a nei deuhmi kawhhran mipi zate ih tuanvo vekin Pope in a hmu.

• “Beunak neitu” harhdamnak lam hnatuan tu pawl, innsungsang pawl le kawhhran hrang hnatuan tu pawl cu Samaritan mitha pa ih hnatuan kha a tuan rero tu “tuamhlawmnak a pe tu beunak neitu” pawl an si.
• Kawhhranih tuannak – Midam lo pawl kilkhawi nak cu minung pawlkom pakhat ih damcah nak kha a tah tu pakhat a si.
• Minung le minung par unau suahkhat thinlung – Kan nih pawl cu ruangpum pakhat lawngih theh kan si ih farah harsat a tuar tu pawl kha khat le khat bawm aw cio dingin sersiam mi kan si.

3. Thlarau lam ih hram – Pathian duhnak

Khat le khat bawm awk ton nak cu Pathian duhnak ih hram a si thu a lang ter asi.

• Mai innhnen duhdawt cu Pathian duh nak langternak “A dik mi titti” a si.
• Minung pawl cu mah pakhat lawng um ding si lo in midang, Pathian thawi um tlang lawngah mai man kha kan hmu thei ding a si.
• Minung pawl ih hriamhma pawl hrangih a thabik tuamhlawm nak cu Pathian duhnak kha hrambun mi unau suahkhat duhdawt awknak thawi um kha a si.

Pope cun kawhhran mipi pawl kha “Samaritan mitha pa ih thinlung” thawn kaihaw ih nun dingin a forhfial ih thinhar pawl hrangah Bawinu Maria hnen thla a cam sakih a capi cu a cem ter a si. Midam lo pawl, cupawl ih innsungsang pawl le harhdamnak lam ih a tuan tu zate hnen Pope in a thlawsuah kha a rak pe a si.

“Bawm a tul mi innhnen bawm cu Pathian kha a ngaingai ih duhnak langter nak a si.” Pope Leo XIV

Let tu – Olivia Lal Ruat Mawi

Thuthang – Vatican thuthang