RVA Ni le kum 2025 kumpi sung lungawi thusim Missa raithawi nak cu Mandalay Archdiocese, Cathedral Thianghlim Thinlung Biakinn ah (18.1.2026) Zarhpi ni, zinglam 8:00 am ah Archbishop Marku U Tin Win ih hoha nak in an rak tuah a si.

Missa sumnak ah Archbishop Marku U Tin Win ih sim mi cu

 “Leitlun ah harsatnak tampi a um a si. Innsungsang tin khal ah harsatnak tampi a um. Cutin leitlun harsat nak pawl ah zuam rero in Pathian biak ih thlacam dingcu kan hngilh theu. Pathian lawng kan vansan nak kha lam in hmuh thei a si. Kan sualnak pawl in thlen sak tu Pathian tuufa a si ti mi zumnak kha karh sinsin dingih kan zuam a tul.

Biakinn feh tikah hi nazi pakhat sungte ah thil dang zianghman ruat lo in Pathian lawngah thinlung zaten ret uhsi. Pathian in ziang I sim ti kha ngaiaw. Zumnak thawn tuah san aw nan nunram khal Pathian ih sian nak le kilkhawinak pawl kha nitin na ngah thei ding a si” tin a rak sim a si.

RVA puai tuah nak thawn pehpar in tuanvo nei tu Rev. Fr. Peter Kyi Maung in lungawi thu a sim nak ah

Hlan ah cu kumtin kumkhat veikhat RVA a zoh tu mipi pawl thawn tonkhawm awknak kan rak tuah thei nan 2019 kum covid le a dang dinhmun tete ruangah a zoh tu mipi pawl thawn tonkhawm awk nak kan rak hmang thei nawn lo.

Curuangah tuisun ni ah cu a hlan vekin tonkhawm awk nak kan tuah thei lo konan RVA ni tin Pathian hnen lungawi thusimnak ah hi RVA caanserh kha tuah suak thei dingih in bawm tu pawl, tha in pe ih in rak thlir ringring tu mipi pawl, RVA a thoh ihsin tuini tiang hna a tuan tu pawl le kan ngah mi lungawinak pawl zate Pathian hnen lungawi thusimnak ah hi puai kan tuah nak a si” tin a rak sim a si.

Let tu – Olivia Lal Ruat Mawi