Kan dung zarhpi sungah Vatican tualrawn ih an rak tuah mi tonkhawm awk nak le Angelus thlacamnak ah Pope Leo XIV in khrihtian sinak in thangharh ringring ding, thil dik mi par lawngih thinlung ret dingah le kan nih cu Pathian ih hmaiah ziangtluk in man kan nei ti kha ziangtik hmanih hngilh lo ding ah a rak forhfial a si.

In duhdawttu Pathin thawn hmu aw thei dingah nitin thlacamnak le ruah awk sal nak pawl hrangih caan pe dingah Pope Leo XIV in a rak sawm a si.

Cui ni ih cathianhlim siar mi John sung ta kha zoh thim in cathianghlim sungah tihnin nak pe tu Johan cun Jesuh khrih cu “Hi leitlun sual nak tlen tu Pathian ih tuufa”, “Messiah” ih a cohlan nak kha in mang ter sal a si.

Minung pawl cu in nuam ter dingti ih ruah mi cohlannak, rualremnak le hminthangnak pawl ih dungkha kan thlun theu ko nan, a net nak ah farah harsatnak le thenthek nak pawl lawng kha kan ton theu thu, cumi cu “a hngetkhoh lo mi, thin beidawngza, a zalen lo mi umtlan dan le pawlkomnak pawl lawng” kha a suah ter thu a sim a si.

 “A ngaingai ah cu kan nih cu hivek ih lungawinak lem kha kan tul lo” “kan lungawinak le hminthat nak pawl cu malte sung hminthan nak a silole hlawhtlin nak ti mi bum awknak parah hram bum lo in, van ih a um mi Pathian ih duhdawt nak le tulnak a co tu si dingah mah le mah theithiamnak parih hrambun mi a si thu” a sim a si.

A then hlan te ah Pope Leo in kawhhran mipi pawl hnenah Pathian in in um pi ti mi ruahnak ihsin hlohter lo ding le “a lenglam nomnak pawl dung thlunnak in caan le cah nak pawl kha a lak ih cemral ter lo dingah a sim bet a si.

 “Johan hnen ihsin zirnak lakin bengvar ringring ding, dingfelnak kha duh ding, tongtikah thudik sim ding, fim khur ih um ding le thinlung tha nei dingin” a rak forh fial ih “Kan nih cu um lo theih lo ih a tul mi thil pawl lawngthawn nun thiam cio uhsi.  A can thei a si le nitin daitei thlacamnak, ruah awk sal nak le thungai nak pawl hrangah caan pe cio uhsi. Khat lam zawng ih sim a si le Pathian thawi tong aw dingah le Pathian thawn um tlang theinak dingah ‘nelrawn ah ruataw sal dingah dung sip nak’ tuah cio uh si”                                                                                                                                                                                                     

Dingfelnak, fimthiam nak le tangdornak pawl ih zohthim tlak a si mi Bawinu Maria kha kan thu bohcat nak ah in bawm dingin thla a cam sak ih a thusim cu a cem ter a si.

Let tu Olivia Mawi

Thuthang – Vatican thuthang