Veikhat laiah nunau pakhat cu pasal a nei ih a pasal tei inn ah a um.

Cutikah a pasal ih nu thawn ziangti khal in an rem aw lo.

Tu le tu an to aw, an el aw ih an thin khal a bang zet.

A pasal ih nu thawn an rem aw lo konan nunphung ruangah khal siseh, biaknak ruangah khal siseh rawl cu a suah sak theu.

Cu theh in a dang tul mi pawl khal a tuah sak thluh.

Nikhat cu a tuar thei nawn lo ih an mo a si mi nunau cun a pai hnen ah a feh ih ruah nak a va dil.

A pa in a pasal nu ih ei ding rawl ah nitin tur rawi sakin thlaruk sungah theihtham lo tei dam lo nak in thi dingih tuahding ah a rak sim.

Cu theh in sii khal a rak pek. Sii a rawi sung ah a pasal nu thawn tha tei be aw dingah a cah bet.

Culawngah a thih tikah an mah a si thu kha zohman in an thei lo ding tin a sim fiang.

Curuangah an mo cun nitin ten a pasal nu ih ei ding mi ah tur a rawi sak.

Cutikah tur a rawi kulh sung cu tha tei um khawm a tul ruangah tha ten a zoh a bia.

Cutin thate le tangdor tu ih a um an mo ruangah a pasal ih nu khal a thleng aw.

Nuam teten an rem aw vevo thlang.

Kiangkap pawl khal ah an mo a fim thu, a thiam thu kha a sim theu.

Curuangah an innsungsang cu nuam zet le rem aw zet in an um khawm.

Cutikah tur a rawi tu an mo cu a sir aw.

Curuangah a pai hnenah a feh sal ih tur an rawi mi reh nak nak sii a va dil.

Cutikah a pa in a sim sal.

Ka lo pek mi cu tur a si lo. Damcah nak telmi vitamin a si thu a sim.

ka fanu na thinlung sungihsin na pasalnu parih na lungput tha lo mi kha ka lo hlon sak a si tin a ti.

Leitlun ah minung pawl thawi biak awk caan ah khimi nu/pa cu a tha lo, hi pa/nu cu a tha lo tinih sim rero ding aiin a hmaisabikah mah le mah kha thleng aw hmai aw tin ka forhfial duh phah a si.

Credit to owner with respect