Christmas puaipi theh hnu zarh (2) nak Zarhpi ni ah ka thlacamnak a thar in ka lo hlawm a si.

Tipsun ah St. Peter Basilica biakinn ih Ruahsannak Jubilee sangkapi khar thlang ding a si.

Tuini ih bible siarnak ah “Tongkam cu minung ah a cang ih kanmah lak ah a um zo,” (Jn 1:14) ti kha kan hmu.

A ngai ngai ahcun Christian pawl ih ruahsannak timi cu milai ih ruahnak le tuannak parih hrambun mi siloin kan nunram ah mah pakhat lawng si lo ding in le kanmah thawn khual tlawng tlang dingmi Pathian parah hrambun ding sawn a si. Cu cu Pathian ih hnatuan a si. Jesuh Khrih thawngin Pathian cu kanmah lakah a um zo a si. Kanmah thawn um ding a hril. Kanmah thawn a um mi Pathian (Emmanuel) a si.

Milai tisa ih a ratnak cu kan ruahsannak kha meisa bangin a alh ter sal.

Kanmah kha tuanvo pahnih in pek. Pathian parih kan tuanvo le milai parih kan tuanvo pawl kha asi.

Curuangah milai ih sinak le pakhat le pakhat parah duhdawtnak lang ter a tul a si.

Cuhleiah Pathian minung cannak cu unau sungkhat ruahnak thawn rualrem zet ih um ding in duh ruangah asi.

Milai zawnruahnak um loih Pathian kha a dikin kan bia thei lo a si.

U le nau pawl, Christmas lungawinak in kan khual tlawn nak hrangah thazaang pe hram seh.