2025 kum sungah zumtu pawl minung 3 million luan in Vatican ah tlawnnak nei.( December 30, 2025)
Pope umnak innpi ih tuanvo neitu pawl ih cazin an suahnak le an simthannak ah April thla tiangih Vatican ih tuah mi Pope thawn tonawknak le biaknak lam caanserh pawl ah minung 250000 luan an rak tel thei. May thla thok ah Pope thar hril hnu Missa raithawinak le Biaknak lam puai caanserh pawl ah zumtu minung 3 million zikte an rak tel thei.
2025 kum sungah Vatican ih tuah mi Pope thawn tonawknak pawl le biaknak lam caanserh pawl ah mipum 3176620 an rak tel thei.
Hi mi thu cu Pope zungih suah mi nambat mipumzat a si ih a tlangpi ih tonawknak pawl, Jubilee ruangih tonawknak pawl, a hleice ih tonawknak pawl, biaknak lam caanserh le Angelus thlacamnak pawl tel in tuatih zoh fel mi a si.
January in April thla sung cu Pope Francis damlonak ruangah Vatican ah tuah thei mi caanserh pawl ah Laitek in tuah a rak si. Cu mi sung Vatican ah mipum 262820 an tlawng ih a tlangpi ah Jubilee ih tonawknak vei 8 ah mipum 60500 an si ih a hleice ih tonawknak ah 10320, Missa raithawinak ih ratu zumtu pawl ah 62000 le Angelus thlacamnak ah 130000 an rak tel thei a si.
May 8, 2025 ni ah Pope Leo XIV cu Pope ih hril a si hnuah Vatican ah a ra tu mipum 2913800 hi an rak hminsin mi a si. A tlangpi thu le Jubilee tonawknak puai 36 tuahnak ah mipum 1069000 an rak tel thei. Ahleice ih ton mi ah mipum 148300 an si.
Cun an suahbet mi ah Biaknak lam caanserh ah mipum 796500 an tel, St.Peter tualrawn ih Angelus thlacamnak ah mipum 900000 an rak tel thei. Angelus thlacamnak caanserh ah mipum tambik tel nak thla cu December thla a si ih Pope thawi Angelus thlacamnak ah mipum 250000 an rak tel a si.
Biaknak lam caanserh pawl ih a tel tu 200000 le a tlawngpi thu le Jubilee thuhla tawn a rak tel tu minung 295000 hrawng an si ih mipum tambiknak thla cu October a si thu an sim a si. Hi mi thuthang cu Vatican thuthang sungih sin a remcang thei bik dingih kan ngan mi asi. Kan thuthang a rak siar tu zate parah Pathian in thlasuahnak lo pe hram seh.
