• zarhlinak – Duhdawtnak (Love)

Ahmin: Vancungmi ih Phazawngden (Angel’s Candle)

Hi mi cu Pathian ih duhdawtnak cu Jesuh Khrih ih suahnak in a langsar ter ih a aiawh. Vancung mi pawl ih an sim mi “hi leitlunah remnak leng seh, thinlung tha neitu pawl hnenah thleng hram seh” ti mi thuthangtha khal in mangter a si. A thulu: Pathian in rilaiteek um lo ih duhdawtnak kha a khih hmuh a si.

Advent tikcu caan ih netabik zarh a si mi Advent zarh 4nak Zarhpi cu Christmast ni thlen hlan zarhpi a si ih tui kum ah cun December 21, 2025 ni ah a si ih cu mi cu duhdawtnak kha a langter a si. Pathian in Jesuh Khrih kha leitlun ih a thlahnak in a hmuh mi cem ni nei lo duhdawtnak kha thupit in in mangter a si. Hi mi ni ih Bible Cathianghlim siar mi pawl cu Luke 1:26-38 kha thupit siar a si ih Immanuel thu a hlankhan ih rak sim cia mi Isaiah 7:10-16 khal siar a si.

Advent tikcu caan ih a thupi zet mi Advent pangpar kual par ih netabik Phazawngdine meisa vannak in Khrih ih suaknak kha hmuak dingah thinlung timtuahnak a si. hi ni ih a thutlang thupi bikah remdaihnak tel in Pathian ih thutiam pawl le Maria ih a hla Magnificat pawl a tel a si. Maria hla kan ti tikah Lk 1: 46-55 sungta hi Magnificat a si.