Nazi pawl ruangih nunnak rak cemtu Catholic minung 50 cu France ramah martyr mithianghlim dinhmunah khaisang. (December 13, 2025)
Martyr thu thawn pehpar in pawlkom pathum, minung 200 hrawng cu Spain ram Jaen Cathedrals Biakinn pi le Paris khuapi ih Notre Dame Biakinn pi ah Mithianghlim khaisannak caanserh an rak hmang.
Zarhte ni December 13 ni ah Spain ram Jaen Cathedral Biakinn pi le Paris khuapi ih Notre Dame Biakinn pi pawl ah Missa raithawinak an rak tuah. A cui Missa raithawinak ah hremnak tik cu karlakah Khrih parah rinum zetin mai nunnak a rak pe tu mipa le nunau pawl Pathian ih upat tlak mi riantuan tu a Sal pawl kha mithianghlim ah an rak hngamhnget.
Spain ram sung ralbuainak sungah Khrih hrangih rinum dingah mai nunnak pe in Catholic Martyr 124 kha mithianghlim dinhmun ah an rak ngamhnget. Cu mi caanserh cu Mithianghlim khaisannak ah tuanvo neitu upa a si mi Cardinal Marcello Semeraro in hoha in an rak tuah. Martyr pawl ih zumnak le an rinumnak cu tuisan Catholic mipi pawl hrangah zumnakah thapeknak dinhmun khal a si.
Hi mi Martyr minung 124 pawl hril dingah zinzawinak hna cu 1990 in 2000 a thawhnak ihsin rak zinzawi thok a si. cui mi zinzawinak ih tumtahnak cu an mah pawl cu an zumnak ruangah thah an rak tuar ti mi hngamhnget dingah a si ih a dang thu ruangah cun a si lo tiah Mithianghlim khaisannak lam ih tuanvo neitu aiawhtu Andres Najera in a rak sim.
Do nak le ziaza that lo nak leilungpi ah zumnak le thupom daan pawl upat lo ih um san ah mithianghlim 124 cu donak in siatsuah daan a si lo thu, ngamhnget in bangawk lonak kha langter a si. Gospel thuthangtha ih in zirh mi cu ngaidamnak a si, “Leilungpi in thatnak a tul” tiah pehbet in a rak sim.
Diocese of Jaen ih mithianghlim ih khaisan mi pawl cu Spain ramsung ralbuainak sungah hmun dangdang le a caan dangdangih that rak tuartu pawl an si ih cui ralbuai nak sungah tuahmawh nak thawn Catholic Biaknak dodal in tuah mi tampi a rak tel.
Catholic Puithiam pawl, Biaknak lam hnatuantu pawl le mi menmen pawl cu Germany ram ih kuat a tuartu France ih hnatuantu pawl kha thei thiam lo dingin an bawm ih thinlung lam le biaknak lam tha an rak pe. cu mi tuahnak ruangah an mah pawl cu the Third Reich dodal tu tiah kaih an rak tuar ih Buchenwald, Mauthausen, Danchan lole Neuengamme ah an khumnak hmunah an nunnak a rak cem. A tamsawn cu cui an khumnak ah an nunnak a cem a si. Hi mi thuthang cu Vatican thuthangin a tawizawngin kan ngan mi a si.
