Pope Leo XIV in Ukraine President cohlangin tong. (December 9, 2025)
Pope Leo XIV nak in Pope a tuanthok lai ihsin tutiangah Ukraine President cohlangin a veithumnak a si. Pope in Ukraine President a si mi Volodymyr Zelenskyy cu Castel Gandolfo ah cohlangin a rak tong. Pope in remdaihnak hrang tawlrel in tuah ding a rak forhfial. Cuihlei ah ralbuainak ih kaih a tongtu pawl Thawngtla pawl le Ukraine nauhak pawl le an sungkua pawl ramzang ten an luat theinak ding tawlrel saknak, thudik thawn reidaih mi remdaihnak kha din dingah an rak rel tlang.
Ukraine President cu kan dung kum 5 lai ah a tui an tonawknak ah a dang ten a tui an rel mi thu vek an rak rel dah. Pope Leo XIV in Pope a tuahnak thla hnih a rei hnu June thlaah Pope in raltlan harsa pawl thu thawn pehpar aw in a thin a nuam lo thu, Ukraine mipi pawl hrangah thla ka lo cam sak bet ding thu, Vatican dinhmun in Ral buai rero mi Ukraine le Rassia ram hnih karlak ah tongaw in thu rel tlang ding duhnak a nei vekin a rak zuampi thu a rak sim.
A tui an tonawknak thawn pehpar in Ukraine President in thuthang latu pawl ih thusuhnak a sannak ah amah in cohlang in in sim mi cu Rassia ih kaih in an hruai mi nauhak pawl an ram ah siseh, an mai innsang hnenah zamrang ten an thlen theinak ding a thupit thu tikcu caan rei lo in zamrang ten tuah ding thu khal thupit in tuah dingah ruahnak in pek ruangah Pope hnen a lungawi thu mirang tongin a rak sim. Hi mi an tonawknak cu December 9 ni Rome tikcu caan zinglam ah a si thu Vatican thuthang in a tarlang. Hi thuthang cu Vatican thuthangin kan ngan mi asi.
