Veikhatah mifarah pakhat cu hramlak ih hna a tuan phah ah huham a nei zet mi mipakhat kha upat nak thinlung thawn hlannak a rak pek. Cuti ih a tuahnak ruangah mifarah pa cu na duh mi pathum na ruah veten na duh a kim ding tin laksawng a pek.

Mifarah pa khal lungawi tak in inn a rak tlung sal. Khua mui zik zawng cun a ril khal a rawng thlang.

A hmaisa bikah mifarah pa in a ruat. Tu ah hin feh tul loin inn thleng men sehla tha ding tin a ruah caan ah a nih cu inn hmai ah a thleng.

Innhmai a thlen tikah veihnih nak a ruat sal. Inn tumpi nei sehla tha tak ding tin a ruat ih cuicaan ah a thlam te cu a tum zet mi innpi ah a thleng aw.

Inn sung a thlen tikah rawl pawl cabuai ah suah cia in a rak um thluh ih a ei. Nikhua a sat tuk ruangah daihnem te kha a duh. Mifarah pa cu a veithum nak a ruat lala. Ka thlam te kha si sehla cu thli te a hrang dingih um a nuam zet ding tin a ruat veten a nih cu a hlan a nunram te ah a kil sal.

A nih cun a thinlung ih duh mi a thlun ruangah man a nei zet mi caan remcang kha a sung.

Ziangti tluk ih a tha mi caan tha kha kan hnen a thlen hman ah a caan ih zir le a man hlat dan zia kha na hman thiam lo a si le tidai par ih zuk suai mi vekin zianghman a lang lo ding tikha ruat cio uhsi.

Caan cu khir sal a theih nawn lo vekin caan remcang khal veihnih ngah a har.

Credit to owner with respect