Pope in Angelus thlacamnak ah Maria in Bawipa a rak cohlan ih a zumvekin zum dingah sawm.(December 08, 2025)
Somlemnity of the Immaculate conception puai ni December 8 ni ah Pope Leo XIV in Angelus thlacamnak ah Bawinu Maria ih zumnak vekin nunramah Khrih kha cohlangin pom dingah zumtu pawl a rak sawm.
December 8, 2025 Tlawngkai nikhat ni the Immaculate Conception puai ni ah Pope Leo XIV in zumtu pawl hnen Bawinu Maria vekin Pathian zum in rinsan dingah le a cui zumnak in Pathian ih in kawhnak mission le tuanvo pawl parah siangzetin tuah dingah a rak sawm.
Pope in St.Peter tualrawn ih Angelus thla a cam in a ra khawm aw tu mipi pawl hnen cubaibuknak a rak nei. Bawinu Maria ih sualhram nei lo ih nau a painak cu Pathian ih a lamdang hleice thlasuah pakhat a si ih a mai suahkeh ihsin sualhram neilo ih a semtu a si ruangah Pawlpi in tui ni ah lomnak kan tuah tiah Missa Raithawinak ah khal a rak sim. Hi mi thlawsuah in Khrih ih a rat nak san kha a langsar thu Pope ih a rak sim.
Bawinu Maria ih “aw” ti ih a rak cohlannak cu a lamdang hleice vekin kan ni ih kan cohlannak khal a mai ti vekin mangbangza nikhat hnu nikhat hmun hram seh” tiah Pope in mipi pawl hnen a rak sim.
Pope in cui tlunah catlo in thlacamnak, lungawinak, thianhlimnak, tangdornak in a lamdang hleice mi pekawknak kha nitin kan tuah theu mi hnatuan pawl tiang duhdawtnak ah a cui kan cohlan mi kha pelzulh in puitling ter dingah a sithu a rak sim fiang. Hi mi in Khrih kha mitin in an thei ding, an cohlang, an duh thei dingih ruundamnak khal mitin hnenah a tleng thei ding.
A mai simnak ah Pope in Khrih a rat nak tleunak parah Nu Maria kha thinlung thianfainak a hleice ih a rak pek thu langsar in a rak sim. Vancungmi Gabriel ih thu a thannak vekin ih a sim mi thlasuahnak thawn a khat mi nu Bawipa cu na hnenah a um “tiah ih cibai a buk tikah Bawinu Maria in tangdornak le thinlung tha thawn a mai tuanvo a rak thei ih a cohlan thu Pope in peh bet in a rak sim.
Pope in Luke 38 thawn pehpar in a rak sim ih “zumnak thawn Bawinu Maria in a rak cohlannak kha ziangtivek khal in kei cu Bawipa ih salnu ka si, na simnak bangin si ko seh” tiah fiangzet in a rak sim.
Pope in Bawinu Maria hnen pek mi thlawsuah cu a lamdang hleice in a rak thlen thu thupit in a rak sim. Maria in cu mi kha lunghmui zet in a rak cohlang ih Pathian ih tumtah mi kha lungkim zetin a rak cohlan thu a rak sim. Pathian cu hi mi tuahnak vekin a tuah theu a si. A mankhung zet mi thlasuah pawl in pe ko nan kan mah in zalen zet in cohlang dingah lole cohlang lo dingah hril thiam theinak in pek tiah a mah in a rak sim.
Pope in Mithianghlim Augustine ih a rak sim mi sirhsan in a sim mi cu “ Maria hnen ih a rak cang mi pawl cu kan hrang khal ah that hnennak tampi a um thu zum asi tiah a rak sim. Cuihlei ah Pope in zumtu pawl hnen Bawinu Maria vekin tlaitluangzet in zum tahrat in Pathian ih in khawhnak ziangvek mission Pathian hnatuannak khal lungawi ten cohlang dingah thape phah in a rak forhfial.
Kum tin tuah theu mi the Immaculate Conception puai ni ah Rome khua pi sungih Bawinu zuk retnak hmun pawl ah feh in Pangpar tawng khat ret a si theu. Cuini zing lam ah meisa mit tu pawlkom pawl in 27 m a sau mi thuam parah kai in Bawinu ih kut sungih ret dingah pangpar tom khat kha upatnak thawn an rak ret theu. Hi mi thuthang cu Vatican thuthang in a tawizawngin kan ngan mi a si.
