Pope in Beirut ih puakkuainak a um dahnak hmunah nunnak cemtu pawl ih sungkhat pawl hrang thlacamsak.(December 2, 2025)

Pope Leo XIV in 2025 kum December 2 ah Lebanon ram Beirut tipi kap ih kum 2020 lai ih puakkuainak hmunah daiten thlacamnak a rak nei.

Pope Leo cu Lebanon ih a fehnak nitabik zinglam ah Beirut tipi kap ih puakkuai dahnak hmaiah ding in daiten thlacamnak a nei ih cui hmun ih nunnak cemtu pawl hrangah pangpar kual a rak ret. Cui mi lai ih Puakkuainak ruangih nunnak cemtu pawl ih innsang pawl le hliamtuar tu pawl thawn khal tonnak caanserh a rak hmang.

Pope in puakkuianak hmun ah Phazawngdine mei vannak a nei ih nunnak cemtu pawl hngilh hmangsalnak ah pangpar sen kual a rak ret. Cui caan cu mithli tla lo dingih zuam rero dinhmun pakhat vekih hmuh a si. Cu mi theh ah nunnak cemtu pawl ih innsang pawl thawn tonnak a nei ih a hrek khat pawl cu nunnak cemtu pawl ih zuk an rak keng fingfing.

Kum 2020 August 4 ni ih a nasa zet mi Bom puahnak ah minung 326 nunnak a cem tu pawl ih innsang, le hliam tuartu minung 7000 luan pawl cu a tu kum nga kim tiangah thu dik le tuanvolaknak an hngah rero thu thei a si. Beirut khuapi ih a kauzet mi hmun tamsawn cu a siat ko nan tui ni tiang thudik hi ngah a si hrih lo. Lebanese Prime Minister Nawaf Salam in cui puakkuainak hmun ah Pope Leo XIV hmuahnak a rak nei. Hi thuthang cu Vatican thuthangin a tawizawng in kan ngan mi asi.