Mithianghlim Francis Xavier le Cangai ih thuanthu tawi.
1546 lai ah St. Francis Xavier cu Malaysia ram (cu lai ih Malacca) ah Tipi par in khual a rak tlawng. A khual tlawnnak ah thlipi a hrangih ruah a sur ciamco. Khuadur dup pipi a suak ih thli nasa tak in a rak hrangih an to mi Longpi khal Tipi kap lam ah a rak thleng. Long mawngtu pawl cu sun le kir men an duh lo ruangah thlipi kan pah thei ko ding tiah an rak ruat.
Cu mi an khualtlawnnak ih a thupit zet lai ah St.Francis Xavier cu a thlipi hrang reh dingih thla a cam lai ah a mai kut ih a ken mi thinglamtah ( Crucifix) cu tipi sung thuk zet ah lang thei nawn lo in a tla. Cumi Thlipi hran a reh ko nan St. Francis Xavier cu a thinglamtah tipi sungih a tlak ruangah riahsia zet in a rak um. A thaizing ti parin leilungih an tum hnuah Tipi thuanthum kap tluanah thlacam phah in lam a sio.
Ni cu a hungsuakih thla cam ih a feh rero laiah tipi kap in thil pakhat a tlan ih a hung suak mi a hmu. Thaten a zoh tik ah cu mi cu Cangai a rak si. Cangai cu nuam teten tidai par ih a lang ih zing ni tleu cun a thlet. Mangbangza a si mi cu Cangai in St.Francis hnen ah a feh ih thinglamtah fate cu kai phah in Mithianghlim Francis Xavier ih ke kiang a thlen in a kir sal. St. Francis Xavier in a khuk bil phah in a thinglamtah cu a rak lak. Hi thilcang mi ruangah St. Francis Xavier in Cangai cu thlawsuah a rak pek ih Charybdis feryata Cangai ih phaw (Zang ) parah cu mi hminsinnak ah Cross (Thinglamtah) zuk a tangta tiah tui ni tiang zum asi. Hi mi thu cu google in kan ngan mi asi.
