Pope Leo XIV cun a tuukhal khualtlawnnak cu Turkey ah ram thuneitu pawl thawn le Tukey ih pawlpi sung um pawl thawn tawnawknak a nei a si.
Pope Leo XIV cu tlawngkai nili ni ah Turkey ram ih khuapi Ankara ah niruk sung caam ding in a thleng zo a si.
Pope cun Turkey ih nunphung le khualtlawnnak lam thuneitu, Mehmet Nuri Erson thawn toawknak an nei. Hmuaknak caan an hman hnu ah Pope cun Mausoleum of Mustafa Kemal Ataturk ah a feh ih Republic of Kurkey din tu thlan ah a feh asi.
Pope cun “Golden Book” ah a khualtlawnnak hminsinnak lethmat a tthu ih mirang tong in ‘Kurkey ram ah tlawng thei dingin caan tha in pek tu Pathian hnenah lungawi thu a sim ih ram le mipi pawl remdaihnak le thansonak’ tin a ngan a si.
Ataturk Memorial a feh ah Pope Leo cu President inn kil tu pawl in humhimnak an lak ih President Recep Tayyip ih a cohlang a si.
President thawn an tawngawk hnuah, an pahnih in thuneitu pawl thawn ram ih Library ah an feh.
Pope Leo ih thusim ah Turkey in khawtlang pawlkom a phunphun pawl zawmkhawmnak “Bridge” vekin, tulai leitlun insungsang a pawimawh zia le ‘ngaihzawnnak cin’ duhdan vek ih bangawk lo nak ‘globalization’ hlawn a tul thu a sim a si.
Pope in official in a feh netabik cu Biaknak lam hotu Diyanet Turkey ih Sunni Islam zirnak cozah thangso tertu Diyanet’s President, Safi Arpagus thawn a tonawk a si.
Republic of Turkey cu an din tir ihsin 99% mipi tamsawn cu Muslim an si.
Pope Leo cun Turkey ni hmaisabik cu Istanbul pan in tlawngnak tawite nei ding in airport a kirhlan ah Apostolic Nunciature ah caan rei lo a cawl ih a netabik caan a hmang a si.
Pa thianhlim cun a tuukhal khualtlawnnak cu tlawngkai ninga ah Bishop pawl, puithiam pawl, deacon, nunau le mipa kawhhran mi, le Istanbul ih Pastoral hna tuantu pawl thawn thlacamnak an nei ih, cuih hnu ah mi farah pawl kilkhawitu kum upa pawl kilkhawinak hmun ah feh in caan a hmang asi.
Tlawngkai ninga ni zanlam ah Pope tlawngnak hmun thupi zet pakhat, Nicaea ih Ecumenical Pryer Service, tu caan ah cun Iznik cun kohhran thuanthu hmaisa bik kum 1700th nak a hmang ding asi.
Hi thuthang cu Vatican thuthang in kan don mi a si.
