Paisa nei lo tu Nu le Pa cun fate fimthiamnak hrangah Nisa lakah hnatuan in mi dang hnak in taimak suak in hna an tuan.

Fale Buai ngahnak ding hrangah rawlei dingmi rawl kha sup in an ei. A um mi te thawn tha le nuam in an um.

Caankim ih fate buaih an ngah theh cun Nu le pa pawl cun an rak bang tuk zo. Kum tampi fate hrangah tin hna a um um an tuan. Fate ngah mi ei ding caan an kim tikah fale cun innsang nei ding Plan an tuah theh zo.

 Nu le pa cu zianghman tuah thei nawn lo in an um. Siee nupi pasal neih cu minung daan si tin ruat in an theithiam sak. An mai hmailam caan hnak in an fale ih hmailam caan an ruat sak. Kham duh zet hmanseh an kham ngam lo, an ui tuk nan an sim ngam lo. An rinsan duh tuk nan an rinsan ngam lo.

 An riahsiat tuk hmanah a thup ten an riahsia. Fale hmai ahcun nuam zet in an um. Nu le pai duhdawt nak tahthim thei a si lo ti mi cu hi mi rori asi.

Fimthiam nak kim, innsang khal famkim zo tu  fale cun nu le pai inn ihsin suah an duh tikah nunhar zettu nu le pa cu an neih sun te cu fale fimthiam nak hrangah hmang theh in a cem zo.

An kum upa nan cawl caan an nei lo. Ei inn ding hrangah tisa ruahsur ah hna an tuan. Nu le pa tamsawn cu ziangtluk fate fel le thilthiam mi fate an neih khal le innsang an neih hnu cun fate par ih an ret mi rinsan nak kha an nei nawn lo. An mah ten hnatuan an zuam.

 Nu le pa duhdawt hna a thiam tu fate cu nulepa zoh duh nak thinlung an nei. A sinan a mah ten innsang a neih zo ruangah a thinlung lawngin nulepa a ruat thei ih a ngai ngai ahcun a zoh in a tumhlawm thei lo.

 Suah hnen ihsin nulepa hnen ihsin lak lawnglawng lak ih upa ve thang mai zoh ve caan a kim tik ahcun innsang thawn a si thlang a cang thei nawn lo.

 Zianghman tuah a ngah nawn lo. Nu le pa kan zoh duh hmanah innsang mithmai zoh tul thlang. Cu hleiah mai nulepa zoh duh le a nulepa tla zoh cih tul thlang. Nu le pa zoh duh le kaphnih in zoh tul thlang.  Pek le pahnih in pek tul pek lo ding le pahnih in pek lo tul ti vek ah a cang thlang. Kaphnih in pek le mah innsang hrang a tul lala. Cuti cun nulepa ih duhdawt nak sam thei nawn lo.

 Mai harnak mai tulsam nak thawn innsang hrangah tin tuah ih nulepa thawn hlat awk thlang.

 Cutin kum le caan a liam ih Nu le pa cu harsa zet in an um. Tui nunram ah nulepa duhdawt nak samthei ti a um nawn lo ding.

 Nu le pa duhdawt nak sam duh ngaingai cun Nu le Pa an um nawn lo. Curuangah nu le pa duh ngaingai tu pawl nu le pa an dam lai ah sam thei ding in zuam uhsi.