150. Minung pawl um nak hmun kiangkap le minung pawl ih um dan thu theih hnuah khua le ram ih inn pawl, innhnen pawl, mipi um nak pawl hrang tuahtu ding pawl cu minung ih ruah dan, an hmang mi tong le hminsinnak pawl, umdan pawl kha daan pek dingih thuhla pawl kha ruah hnuah tuah leh ding asi.

 Inn mawi nak ding hrang lawng ruatih inn design tuah cu a famkim lo. A dang mawi nak pakhat hrangih thathnem nak cu hleice in man a nei deuh asi. Minung pawl ih nunram sang um nak, kiangkap thawn bangrep ding ih um nak, khat le khat nelaw zet ih um nak, bawmawk ton thiam nak pawl a that vivo thei nak dingin ruah cih a tul asi. Khua le ram din dingih plan tuah nak ah cui khua le ram ih a ra um tu ding minung pawl ih hmuhdan khal ruah cih ding cu a thupit zet thu theih asi.