Khuahlanlaiah Thingkung a bur zet mi ramlakpi sungah Nunu Thingcuk va le a fate Pokpok ti mi Thingcukva te pahnih an um. A nu Thingcukva in nitin a fate hrangah rawl a hawl theu. A fate PokPok cu eiin ding a um cia ringring ruangah hnatuan paih lo in a puarthau thlang.
Nikhatah Pokpok cu a rual Muu le Koktut va pawl kha “Ka nu in va dang pawl hnak in a tha sawn mi tii a ti. Kan nih tii pal cu a rong a mawi sawn” tin a sorh hai. Thungai cun Thingcuk va tii cu Meikhu pawl rong menmen lawng asi.
A sinan PokPok cun midang hnak in a thadeuh ti mi lungput thawn Muu le Koktut kha hmuhsuam in midang tii hnak in a mai tii kha a mawi sawn tin a bum theu. Nikhatah cun a nu thingcuk va kha rawl hawl phah in leilung parah a rong langsar zetmi Sui rongtii pakhat a hmu. “Hi mi tii cu a mawi tuk, ka fapa Pokpok lungawi nak ah ka keng sak ding” tin a lak sak.
Pokpok in Sui rong tii kha a hmu tikah a mangbang in a lung khal a awi. A thaizing cun a rualpi zaten a ko. “ Zoh hnik uh! Ka lo sim kha kan tii pawl cu nan nih tii pawl hnak in a letza in amawi. Hi mi tii cu Sui rong asi”. A sinan Muu cun Sui rong tii cu thaten a zoh ih “ Pokpok hi mi tii cu vate tii a si lo, hi mi cu Lei par ih lungto te pakhat asi. Na nu in na nuamawk nak ah a lo lak sak asi ding” tin a ti.
Pokpok a ningzak. Hngal le puar thau in a bum ringring ih tucu a rualpi pawl hmai ah lang zo. A mithal phah in a Nu hnenah a fehih “ Ka nu in ngaithiam aw, hngal le puarthau in rualpi pawl ka bum ngah. A ngai ten cu Thingcuk va tii cu Meikhu rong a si ti kan thei ko” tin felfai zet in apom awk.
A nu thingcukva in Ppokpok kha theithiam zetin a ngaithiam “ ka fapa a thupi mi cu tii ih a rong silo mai hnen ih a um mi thil kha manhlat ding le felfai ding kha athupi bik asi” tin a sim. Cumi ni ihsin thok in Pokpok cu hngal nawn lo in thaten a rualpi pawl thawn nuamaw zetin a um tlang asi.
Thuanthu ih pek mi zirnak (Moral)
“Mai hnen ih a um mi kha manhlat aw. Hngal in midang kha va bum hlah, mah sual khal le pomawk thiam ding kha athupi bik asi”.
#Credit- Orginal – Uploader
