Pope Leo cun Pathian thu a zirhnak ah unau sinak a thupi zia a tarlang ih “minung sung thukzet” a si thu a tarlang asi. Tulai ral buainak, phawkleknak, le buainak pawl cun unau sinak a harsa ter asi ih unau sinak tel lo cun kan nun khaw suak thei lo a si.

Tlawngkai nithum ni mipi thawn tonkhawmnak ah Pope Leo cun Khrih thihnak le thawhsalnak in kan nitin nunram ah zingti vekin in nunpi tih ruat sal in ruahsannak le ralthatnak thawn hnatha tuan ding in sawm a si.

Cu hlei ah hi mi in unau sinak in bawmnak a tarlang ih cucu  tulai minungpawl hrang ah harsatnak tumzet pakhat tin Pope Francis cun fiangzet in a hmu a si.

Pope Leo cun unau sinak cu minung sung thukzet ihsin ra suah a sih thu a sim uar zet asi. Minung kan si vekin  midang pawl thawn inzawmkhawm tuah theinak kan nei a si. Hi inzawmkhawmnak um lo cun Pope in kan dam suak thei lo ding, kan thang thei lo ding, kan zir thei lo ding a si tin a sim. Kan um duh dan in kan um tlang asile  kan minung sinak cu a tha bik puitling a si ding a si.

Khat lam ah cun kan mah inhnukdawk asile kan mah lawng kan ruat vekin mah lawng um le, a si thei le thuruah thiamnak kan nei thei nak asi. Mah le mah pekawknak cu pekawk duhnak taktak thinlung thawn asilole midang hnen in kan ngahnak a mel ding a si.

Unau sinak cu bawmawknak, thinlung hmu awknak, somdawl awk ihsin ra mi a si. A thami zohthimnak cu unau, nunau le mipa insungsang khat ih khua sa mi ih daan a si. Lungkimlonak le thentheknak cun innsungsang ah le midang lakah pehtlaihawknak a siatsuah ter asi.

Curuangah tulai caan ih a tul zet mi a si. St. Francis of Assisi in zing vek minung an si le tla le “Omnes fratres” tin cibai a buk a si. A sullam cu “ka unau pawl’ tinak a si ih cu cun mi zaten bangran in a ret ih an maih sinak a pomnak a si.

Kan mah pawl Khrih in induhdawt vekin pakhat le pakhat duhdawt dingah kawh kan si. Pope cun unau sinak cu Khrih in in pek mi a si. Maih hrang lawng ruatnak, thehthek awknak, capo nak pawl hrial in inkohnak cu ruatsal in duhdawtnak le ruahsannak in kan nitin nun thar ter sal uh si. Khrih thawhsalnak cun amaih hnen ka thlen nak dingah lamzin in hmuh asi.

Hi thuthang cu Vatican thuthang ih kan don mi asi.