Pope Leo XIV in ralbuainak a tuartu pawl Myanmar ram mipi pawl hngilh hlah uh tiah sawm. (November 05, 2025)
Pope Leo XIV in ralbuainak nasa zet in a tuartu Myanmar ram hrangah thlacam sak dingah zumtu pawl a rak sawm. Myanmar ram ah kumtin nuam thiam lo in nasa zet in nehsawhawknak a um ruangah hliamtuar ih a siat mi Myanmar ram pi hrangah thlacam diangah a rak sawm.
Pope Leo in Tlawngkai nithum ni mipi a tonnak ih a thlacamnak ah leitlun hmuntin ah ralbuainak lakah harsatnak a tongtu pawl zate hrang mangsal in thla a rak cam sak. Leitlun hmunkip ah ralbuainak ih tuahmawh awknak ruangah harsat tuartu pawl hrang keimah thawn thlacam tlang dingah in bawm uh tiah a rak sawm.
Ahleice in Pope Leo in Kawlram mi pawl hrangah thla a camsak ih “ Kawlram mipi pawl hngilh hram hlah uh” minung sinakih a tultuk mi pawl bawmnak pe uh tiah ramtin pawlkom pawl hnen a rak thangphawk.
Myanmar ram ah a nasa zet mi minung le minung thi le nunnak ah buainak karlakih an um ruangah Pope in thla a rak cam sak.
Ralkap in a Cozah ih Me thlaknak (mipi hrilnak) a ngah tu a Cozah hnen in thuneihnak a lak nak cu tu cun kum nga a luan thlang ding, cui tlun ah ramsung buainak ruangah minung thawngziat hanglo in an nunnak a cem ih minung tan tampi in an mai hmun le ram ah khui tawk hman ah um thei nawn lo in an tlan thu a rak sim.
2021 kum ih rampi uknak lak cu mipi tampi in duhphorhnak in an thok ih cui hnu rei loteah Democracy duh tu pawl le hriamkai pawlkom kom aw in uknak a la tu thuneihnak duhtuk tu ralkap kha an do ih dothlennak ah a rak cang a si.
Vanzam ih bom thlaknak le ralbuainak ruangah khuapi hrek khat le khuate lam tam sawn cu an siat theh ih minung tampi in in le ei, sii vai, umnak inn pawl an tul ih an daih aw nawn lo. UN (United Nations) ih zumnak ah Kawlram ih mipum hrek khat hnak ih tam cu minung ih tulsam tuk mi pawl an tul thu a sim.
2017 August thla ah kawlral kap in ralhma hruai nak an tuah lai ah mipi tampi cu thah an tong, an sual pi, ral hmai thii ah an hmangnak le khua te pawl khua pum in an ur ih an siat suahnak pawl kha a rak cang. Kawlram parih thuthang a check feltu pawl in kawlral kap pawl ih tuahnak cu minung ci mit dingih tuahnak thawn a bang tiah an tarlang.
Ralbuainak cu 2021 kum ih thuneihnak a latu ralkap pawl ih tuahnak a si. Asinan mipi Cozah khal in leh rulhnak a rak tuah thei lo. Hi thuthang cu Vatican thuthangin Pope in Kawlram pi hrang thla a camsak thu lawng kan tarlang a si. A dang thuneihnak lak thu pawl cu kan thei cia mi a sivekin kan tarlang lo nak asi.
