3. Nunphung thawn a pehpar aw mi kiangkap
149. Farah harsat nak pawl tuar in pawlkom awknak a that lo nak hmun pawl, zianghman um lo nak hmun pawl, nelaw zet in um nak ding hrang a that lo nak hmun pawlah hriamkai pawlkom pawl ih hremnak, thillon siatsuah nak pawl ton asi.
Daihrem nak um lo mi innhnen pawl le khuapi pawl ih minung tam nak khat le khat zo asi ti theiawk lo nak ruangah, minung pawl cu a hlan ih rak um nak kiangkap in thenhran nak tuar vekin an ruah ruangah, an karlak ah pawlkom nak thawn a kalh aw mi umdan pawl thawn tharum thawh nak pawl hmuh asi. A sinan duhdawt nak cu hi thil pawl zate ai in thazang a cah sawn thu kha thupit in ka sim duh asi.
Hi dinhmun ih a um tu pawl tampi cu sungkhat vekih nelawk nak, neih nak, hmunkhat tei um tlang thei nak ruangah minung tamnak dinhmun ihsin innsungsang vekih pawlkom nak pawl kha an tuah ih puarthau nak pawl kha balh in mai hrang lawng ruah nak pawl kha an pahsuak thei ding asi.
Pawlkom thawi nelaw zetih um thiam nak, rundamnak hmuhton nak cu innsungsang thinlung a khat mi pawlkom nak kha tuah nak, Dinhmun thanso ter nak hrangih tawlrel thiam nak, ruahnak pawl kha a karh ter asi.
