Trump in “Nigeria ah Christian pawl a diklo zetih hremnak pawl an cawl lo ah cun American in ruah lo pin raldo cangvaihnak pawl tuah thei” tiah sim. (November3, 2025)
US President Donald Trump in Nigeria ram ah Christian pawl an hremnak an cawl lo ah cun raldo tidaan vekin ka tuah ding tiah a rak sim.
Nigeria a cozah in Christian pawl thahnak kha pehbetin a zoh ih a lungkimpi a si ah cun American in Nigeria ih pek mi bawmnak pawl zaten hmakhat te ah ka cawl ter dingih bawmnak hi that lonak ih a hmangtui ram ah “Hriam kai cak zet pawl”an lut dingih hi “miral tha a silo mi Islam ralhrang pawl kha an zaten ka siatsuah theh ding” tiah Trump in November 1, ni ah a mai social media ah a rak sim.
Bawi upa pawlkom sungih commander-in-chief hnenah Trump in a cangthei mi poimawh hrangah timtuah cia dingah” tiah Pentagon kha lam a rak hmuh thu pehbet in a sim.
Kan do a siah cun a rang zet ding, tuahmawh nakah lungkim zet pungsan a si thei, mi tuahmawh tu pawlkom in kan duhdawt zet mi Chirstian pawl kha an do ih an hremvek thawn a bangaw ding tiah ralrinnak a rak pe ih pehbet in a sim mi cu Nigeria a cozah ramrangten na cangvaih a tul tiah a rak sim.
Defense Secretary Pete Hegseth cu Zarhte ni ah a cui ca tar mi lehrulhnak kha a ngan ih Nigeria ah Mawhnak neilo Christian pawl thahnak hmun tinah reh seh. Ralkap pawl cun cangvaihnak hrangah tim an tuah laifang a si thu a rak sim.
Nigeria a Cozah in Khristian pawl kha humhim aw, na humhim lo ah cun hi a besia zet mi tuahmawhnak pawl kha a tuah rero tu Islamic pawl kha ka siat suah theh ding tiah a rak sim.
Trump in October 31, 2025 ni ah Nigeria ram cu “a hleice ih thinphan za ram” (CPC) tiah ka ngamhnget ding taih a sim hnu lawngah rallam ih cangvaihnak a cang thei mi a si thu a mai post ah a rak tar.
1998 kum ih suah mi “Ramtin biaknak lam zalen theinak daan” vekin America President in Biaknak lam zalennak kha nasa zetih a siatsuah tu lole a lungkim pi tu ram pawl ah “ a hleice ih thinphannak hmun ram” (CPC) tiah ngamhnget dingah tuanvo ka nei . Siahsuahnak lakah minung kha buaipi ih thahnak, Taya suai lo in tikcu rei pi retnak, neta bik ah an hrem nak ruangih thih ternak tivek pawl khal a tel thu America State Department in a tarlang.
Nigeria ram ah Christian biaknak cu a tumzet mi tihnungza dinhmun an tong rero a si. Christian minung thawngziat hanglo thah an tuar rero zo. Hi thahnak tampi cu Radical Islamist pawl in tuanvo an nei. Curuangah kei cun Nigeria kha ka ngaihven ding mi ram (Country of particular concern) ka ngamhnget” tiah Trump in Ocotober 31 ni ah a rak sim. Hi thuthang cu Catholic News Agency in a remcang ding zawngih kan ngan mi a si. Kan thuthang a rak siartu zate parah lungawinak tamp ikan nei.
