Vatican Council pahnihnak in Kohhran pi le Khristian asilo mi Biaknak dang pawl thawn pehtlaih awknak “Nostra aetate” capi cu kum 60 liamah suah a si zo vekin hi capi in Semitic miphun dokalhnak cu a duh lo thu fiangzet in a langter tin Pope Leo XIV cu tlawngkai nithum ni mipi thawn tonkhawmna  October ni 29 ni ah St. Peter Square ah a sim a si. Kei khal Konhran in Semitic miphun cu Gospel cathianghlim vekin dokalhnak  a duhlo tin ka nemhnget ih ka do ve a si. Pope cun a Pathian thu simnak ah zumnak dangpawl thawn tuan tlangin a tha sawn mi leitlun si ter ding le Jewish le Catholic pehtlaihnak a thupit zia a sim a si.

Pope cun pakhat le pakhat theithiam awk lo nak pawl, harsatnak a phunphun le doawknak pawl cu kan phat lo a si ih Nostra aetate capi suahnak khal kum 60 a si zo. Asinan pehzawm in biakawknak a kham lo a si tin a sim. Tuih caan khal ah ramkhel thuhla pawl le diklonak pawl rualpi tha kan sinak in siatsuah ding sianghlah uh si. Pope cun zumnak dang aiawh ih ratu pawl zaten parah lungawithu a sim a si. .

Pope cun kan biaknak pawl in in zirh mi cu remdaihnak cu minung thinlung sungih sin ra mi a si. Kan pakhat cio nunnak ah, kan inn sunsang pawl ah, kan kiangkap pawl ah, kan tlawnginn pawl ah, kan khua pawl ah, kan ram pawl ah le leitlun ah ruhsannak hi kan nei sal a tul. Hi ruahsannak cu kan biaknak pawl simfiangnak pawl a si dingih leitlun tharah a cang thei a si.

Pope cun zumnak dang pawl thawn tuan tlang dingin forhfialnak a nei a si. Kan hmunkhat asile ziang hmuahhmuah a cang thei a si. Ziang vek khalin in then ter hlah seh hi rualpi sinak le tuantlangnak cun nonawn pawl tingin a dik bik mi a si.

Hih capi cu biaknak dang thlungtu pawl cu lenglam mi an si lo, thudik thuhman  ah fehtlang ding kan si ih midang pawl biaknak zaten khal le ziangkim sersiam tu an hawl a si.

Netabik Pathian thu a simnak ah Pope cun daiten thlacamnak ah kan um dan pawl, kan ruahnak  pawl, kan thuhla le kan tuannak pawl cu thawn huham in in thleng sak seh tin thla kan cam cio pei tin sawm nak a nei a si.

Hi thuthang cu Vatican thuthang ih ka do mi a si.